’n Oekase (Russies: указ, oekaz) was in die Russiese Ryk ’n proklamasie van die tsaar, regering of patriarg wat regsgeldig was. Dit kan ook as "edik" of "verordening" vertaal word.
Geskiedenis
Voor die Russiese Rewolusie (1917) is die term in Rusland gebruik vir ’n edik of verordening, geregtelik of administratief, wat die status van ’n wet gehad het. Dit is deur óf die keiser óf die senaat uitgereik.
Ná die rewolusie is ’n verordening met ’n wye strekking deur die Sowjetregering ’n "dekreet" (декрет, dekret) genoem, en meer spesifieke verordenings was ’n oekaz.
Volgens die grondwet van 1993 van die Russiese Federasie is ’n oekase ’n presidensiële verordening. Op die amptelike webtuiste van die Kremlin word die Engelse term executive order gebruik as ekwivalent.[1] Sulke oekases het in Rusland die status van ’n verordening. Hulle kan nie regulasies van bestaande regsbronne – soos Rusland se internasionale verdrae, die grondwet, federale of streekswette – verander nie en kan deur enige van bogenoemde nietig gemaak word. Danksy Artikel 15 van die Russiese grondwet het die Europese Konvensie vir Menseregte, as ’n internasionale dokument, byvoorbeeld meer gesag as enige Russiese wet of presidensiële verordening.[2]
Verwysings
Eksterne skakels
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
