![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0a/LocationMozambique.svg/langaf-640px-LocationMozambique.svg.png&w=640&q=50)
Mosambiekse oorstroming van 2007
From Wikipedia, the free encyclopedia
Die Mosambiekse oorstroming van 2007 het laat in Desember 2006 begin toe die Cahora Bassa-dam weens swaar reën oorgeloop het. Dit het in Februarie 2007 vererger toe die Zambezirivier sy walle oorstroom en vloede in die omliggende streke van Mosambiek veroorsaak het. [1][2] Die Chire- en Rivubuerivier het ook oorstroom. [3]
![Thumb image](http://upload.wikimedia.org/wikipedia/commons/thumb/0/0a/LocationMozambique.svg/640px-LocationMozambique.svg.png)
![Thumb image](http://upload.wikimedia.org/wikipedia/commons/thumb/6/62/Cyclone_Favio_22_February_2007_0820Z.jpg/640px-Cyclone_Favio_22_February_2007_0820Z.jpg)
80 600 mense moes hul huise in die Tete-, Manica-, Sofala- en Zambeziaprovinsie teen 14 Februarie ontruim. [4] Teen 22 Februarie het die Verenigde Nasies gesê dat ongeveer 121 000 mense deur die vloed ontheem is. [5] Sommige indiwidue het geweier om hul huise en vee agter te laat. [4] 29 bevestigde sterfgevalle, sowel as 10 onbevestigde sterftes, is aangemeld. [6]
Die Mosambiekse owerhede het vroeg in Februarie nie verwag dat die vloed so verwoestend soos die 2000 en 2001-vloed sou uitdraai nie. Paulo Zucula, hoof van Mosambiek se nasionale hulpagentskap, het gesê:
‘‘Ons verwag meer reën as wat ons in 2001 gehad het. Die toestand is besig om te versleg, en dit sal erger raak, maar hierdie keer is ons beter voorbereid as in 2001.” [1]
Die Wêreldvoedselprogram (WVP) het beraam dat tot 285 000 mense voedselhulp sou benodig [3] en noodvoorsiening is op 15 Februarie van stapel gestuur. [7]
’n Enkele VN-helikopter is uitgestuur om voedselhulp by die toevlugsentrums af te lewer. [8] Ewenwel het duisende mense nie kos of drinkwater ontvang nie, terwyl die kans dat siektes sou uitbreek ook toegeneem het.
Paulo Zucula het sy vroeë kommentaar teruggetrek, deur te sê:
“Ons was nie voorbereid nie…dis nog ’n ramp. "[9]
Die Kategorie-4 Sikloon Favio het deur die sentrale Inhambaneprovinsie die land binnegedring. Wetenskaplikes wat die sikloon se bewegings dopgehou het, het voorspel dat dit toekomstige vloede in die Zambeziriviervallei sou vererger. [10]