Loxton

Loxton is 'n klein skaapboerdery-dorpie in die Noord-Kaap, Suid-Afrika. Die dorp lê 81 km wes van Victoria-Wes en 63 km suid van Carnarvon aan die voet van die Uitspanberg.

Loxton
Dorp
Bo: die NG Kerk in die middel van Loxton. Middel: Loxton se boomryke hoofstraat. Onder: Verwelkoming voor die dorp.
Loxton  Loxton se ligging in Noord-Kaap
Koördinate: 31°28′40″S 22°21′12″O
Land	Suid-Afrika
Provinsie	Noord-Kaap
Distrik	Pixley ka Seme
Munisipaliteit	Ubuntu
Stigting	1899
Oppervlak [1]
• Totaal	77,61 km2 (29,97 vk. myl)
Bevolking  (2011)[1]
• Totaal	1 053
• Digtheid	14/km2 (40/vk. myl)
Rasverdeling (2011) [1]
• Wit mense	10.7%
• Indiërs/Asiërs	0.3%
• Bruin mense	85.4%
• Swart mense	3.1%
• Ander	2.6%
Taal (2011) [1]
• Afrikaans	93.8%
• Engels	3.6%
• Ander	2.6%
Poskode (strate)	6985
Poskode (posbusse)	6985
Skakelkode	053

Die opstal op die plaas Vanaswegensfontein, distrik Loxton. Dis opgerig deur Jan Hugo en het later behoort aan Dries Wiese, 'n dorperboer.

Geskiedenis

Loxton is in 1899 aangelê op die plaas Phizantefontein, wat van AE Loxton gekoop is, as 'n skaapboerderysentrum en word in 1905 'n munisipaliteit.^[2]

Omgewing

Daar is 'n dam aan die oostekant van die dorp wat gevoed word deur 'n natuurlike fontein. Tydens die oorstromings in die noordweste van die Kaapprovinsie in Maart 1961 het die damwal bokant Loxton gebreek en groot skade aangerig. Elf nuwe huise is gebou en driekwart van die bestaande geboue moes herstel word. Daar is Boesmanrotskuns op die plaas Taaibosfontein te sien.

Persone hier gebore

• Ena Murray, Afrikaanse skryfster.
• Annelise Vorster, Kunstenares.

Sien ook

• Die Laaste Tango, rolprent wat hier geskiet is.
• Jakhalsdans, rolprent wat hier geskiet is.
• Lys van dorpe in Suid-Afrika

Bronne

• Op Pad in Suid-Afrika. B.P.J. Erasmus. 1995. ISBN 1-86842-026-4
• Loxton Eeufeesbundel. Nita Griesel. 1999.

Verwysings

1. "Hoofplek Loxton". Sensus 2011.
2. Inligting oor Loxton (www.northerncape.org.za) Geargiveer 4 Januarie 2009 op Wayback Machine (en)