Latynse Ryk

Die Latynse Ryk of Keiserryk van Romania (Latyn: Imperium Romaniae) is die naam wat historici gegee het aan die feodale Kruisvaarderstaat wat deur deelnemers aan die Vierde Kruistog gestig is op land wat van die Bisantynse Ryk verower is.^[1] Dit het tot stand gekom ná die inval in Konstantinopel in 1204 en het geduur tot in 1261. Die Latynse Ryk was veronderstel om die Bisantynse Ryk te vervang as die titulêre Romeinse Ryk in die ooste, met ’n Westerse Rooms-Katolieke keiser in die plek van die Oosters-Ortodokse Bisantynse keisers.

Imperium Romaniae
Latynse Ryk van Konstantinopel

← 1204 – 1261 →
Coat of arms
Ligging of Keiserryk van Romania Die Latynse Ryk tussen 1204 en 1261
Hoofstad	Konstantinopel
Taal/Tale	Latyn, Grieks en Oudfrans
Godsdiens	Rooms-Katolieke Kerk Oosters-Ortodokse Kerk
Regering	Monargie
Keiser
- 1204–1205/06	Boudewyn I van Vlaandere
- 1206–1216	Hendrik van Vlaandere
- 1216–1217	Pieter van Courtenay
- 1217–1228	Robert van Courtenay
- 1228–1261	Boudewyn II van Courtenay
Historiese tydperk	Middeleeue
- Verowering van Konstantinopel	16 Mei 1204
- Val van Konstantinopel	25 Julie 1261
Oppervlakte
- 1204	350 000 km2 135 136 sq mi

Die verowering van Konstantinopel tydens die Vierde Kruistog op 16 Mei 1204.

Boudewyn IX, die Graaf van Vlaandere, is op 16 Mei 1204 as Boudewyn I as die eerste Latynse keiser gekroon. Die Latynse Ryk kon nie politieke of ekonomiese oorheersing handhaaf oor die ander Latynse magte wat ná die Vierde Kruistog in voormalige Bisantynse gebiede gevestig is nie, veral die Republiek Venesië, en ná ’n kort aanvanklike tydperk van militêre suksesse het dit stadigaan begin verval. Dit is verswak deur konstante oorlogvoering teen Bulgarye en die onverowerde dele van die ryk, soos die Niceense Ryk, en eindelik het dit tot ’n einde gekom toe die Bisantyne Konstantinopel in 1261 onder keiser Michael VIII Palaiologos herverower.

Verwysings

1. Jacobi, David (1999), "The Latin empire of Constantinople and the Frankish states in Greece", in Abulafia, David, The New Cambridge Medieval History, Volume V: c. 1198–c. 1300, Cambridge University Press, pp. 525–542, ISBN 0-521-36289-X

• Hierdie artikel is vertaal uit die Engelse Wikipedia