Kabwe is 'n stad in Zambië en die land se oudste myn. Die stad het 'n bevolking van meer as 193 100 (2007) en is sowat 100 km noord van die hoofstad Lusaka geleë op 'n hoogte van 1000 m bo seespieël en aan die vernaamste pad- en spoorverbinding wat die Koperstreek met die suide van die land verbind en sowat 1100 km direk noord van Bulawayo, Zimbabwe se naasgrootste stad.
Kabwe | |
---|---|
Koördinate: 14°26′0″S 28°27′0″O | |
Land | ![]() |
Provinsie | Sentrale Provinsie |
Bevolking | |
• Totaal | 210 000 |
Tydsone | UTC+2 (SAST) |
Die myn is in 1902 geopen en lewer lood, vanadium en sink van hoë gehalte. Dit is na die Australiese myn genoem wat soortgelyk is. Hier is die kopbeen van 'n voorheen onbekende primitiewe mens (Homo rhodesiensis) ontdek, wat in die Britse Museum uitgestal word.
Besienswaardighede in die omgewing is die Lunsemfwa-waterval, 90 km oosnoordoos van die stad in die gelyknamige rivier. Die pad loop 6 km van die waterval af verby. Hier is 'n hidro-elektriese kragsentrale opgerig wat elektrisiteit aan die myn op Kabwe voorsien.
Hier was voor die onafhanklikwording van Zambië op 24 Oktober 1964 'n NG gemeente Broken Hill, wat in die jare sewentig met die NG gemeente Lusaka moes saamsmelt weens die drastiese afname in die getal lidmate. Daar is ook 'n Broken Hill in Nieu-Suid-Wallis wat van die rykste neerslae silwer, lood en sink ter wêreld het.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.