From Wikipedia, the free encyclopedia
KV63 is 'n grafkelder in die Vallei van die Konings by Thebe, naby die moderne stad Luxor in Egipte. Aanvanklik is geglo dit is 'n koninklike graf, maar nou word geglo dit was 'n stoorkamer vir die mummifiseringsproses.[1] Dit is in 2005 ontdek deur 'n span argeoloë onder dr. Otto Schaden.
KV63 | ||
Die grafkelder van onbekende mense | ||
![]() | ||
Die gebied net bo KV63 in Maart 2005, 'n maand of twee ná die ontdekking daarvan. | ||
Ligging | Vallei van die Konings | |
Land | ![]() | |
Ontdek | 10 Maart 2005 (skag) 8 Februare 2006 (aangekondig) | |
Uitgrawings deur | Otto Schaden | |
Versiering | Onversier | |
Uitleg | Enkele L-vormige kamer | |
Die grafkelder het sewe houtkiste en baie groot flesse bevat. Al die kiste is nou al oopgemaak; hulle bevat net lappe vir mummifisering. Die flesse bevat soute, linne en gebreekte erdewerk.
Van die kleiseëls bevat inskripsies, soos die gedeeltelike woord pa-aten,[2] deel van die geboortenaam van Toetankamen se vrou, Anchesenamen.[2] Dié inskripsie, die argitektoniese styl van die kamer en die vorm van die kiste en flesse wys alles na die 18de Dinastie, rofweg die tyd van Toetankamen wie se graf daarnaby is.
Schaden se span het KV63 weer in 2010 saam met 'n TV-span besoek. Nog 16 flesse is verken en 'n houtbed met leeukoppe en stukke van wynhouers is ontdek. Die span het tot die gevolgtrekking gekom dat die kamer waarskynlik deur balsemers van Toetankamen se familie gebruik is, omstreeks 1337-'34 v.C.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.