Henriëtte Loubser

Henriëtte Loubser (gebore Anderson, 24 Desember 1966 in Bloemfontein, Suid-Afrika)^[1] was redakteur van Huisgenoot tot 31 Mei 2017, waarna sy van 1 Junie 2017 af redakteur van Netwerk24 geword het.^[2]

Henriëtte Loubser aan die woord tydens die viering van Huisgenoot se 100ste jaargang op 20 Mei 2016.

Agtergrond

Sy matrikuleer aan die Hoërskool Jim Fouché en studeer kommunikasiekunde aan die Universiteit van die Vrystaat.^[3] Daarna behaal sy 'n honneursgraad in kommunikasiekunde deur Unisa.

Sy was onder meer nuus- en assistentredakteur van Huisgenoot, senior assistentredakteur van Sarie en adjunkredakteur van Die Burger voordat sy in 2012 as redakteur van Huisgenoot aangestel is.

Verwysings

1. "HENRIETTE LOUBSER". Who's Who (in Engels). Geargiveer vanaf die oorspronklike op 1 April 2017. Besoek op 23 Mei 2017.
2. "Media24 appoints Henriëtte Loubser as editor of Netwerk24". Media24 (in Engels). Geargiveer vanaf die oorspronklike (Webartikel) op 2 Oktober 2018. Besoek op 23 Mei 2017.
3. "Huisgenoot se redakteur in Bloemfontein getoë" (Webartikel). Netwerk24. Geargiveer vanaf die oorspronklike op 3 Oktober 2018. Besoek op 23 Mei 2017.

Eksterne skakels

• Henriëtte Loubser op Twitter
• (en) Who's Who Geargiveer 1 April 2017 op Wayback Machine