instelling van die Europese Unie wat die EU se algemene politieke rigting en prioriteite definieer en bestaan uit staatshoofde of regerings van die EU se lidlande From Wikipedia, the free encyclopedia
Die Europese Raad is 'n liggaam wat die Europese Unie (EU) se gehele politieke rigting en prioriteite definieer. Dit bestaan uit die regeringshoofde van die 28 lidstate tesame met die President van die Europese Raad en die President van die Europese Kommissie. Die gevolmagtigde van die Unie vir buitelandse sake en sekuriteitsbeleid (met ander woorde die minister van buitelandse sake van die EU)[1] neem ook aan vergaderings deel.[2] Die Europese Raad is in 1975 as 'n informele spitsberaad gestig en is in 2009 met die inwerkingtreding van die Verdrag van Lissabon tot instelling geformaliseer. Die huidige president van die Europese Raad is Charles Michel, voormalige Eerste Minister van België.
Politiek van die Europese Unie |
Europese Parlement Europese Raad Europese Kommissie Raad van die Europese Unie |
President van die Europese Kommissie President van die Europese raad President van die Europese Parlement |
Hof van Justisie (ECJ) |
Verkiesings |
Die Europese Raad moet nie met die Raad van die Europese Unie verwar nie. Die laaste instelling word ook die Raad van Ministers genoem en bestaan uit 'n wisselende keuse uit nasionale ministers wat 'n bepaalde werkgebied verteenwoordig en Europese wetgewing op hierdie gebied voorberei. Hulle het amptelik 'n wetgewende taak in teenstelling tot die Europese Raad wat slegs die breër raamwerk vir Europese eenwording verskaf.
Tot en met 1973 is daar deur die hoogste ampsdraers van die Europese Gemeenskappe spitsberade oor die toekoms van Europa gehou wanneer hulle dit nodig geag het. Die Europese Raad is tydens 'n byeenkoms in Parys in Desember 1974 (waarvan die Franse president Valéry Giscard d'Estaign die voorsitter van was) gestig, welke voortaan reëlmatig byeen sou kom. Op 11 Maart 1975 word die eerste vergadering van die Europese Raad in Dublin gehou. Aanvanklik vergader die raad twee keer per jaar; en sedert 1996 vier keer per jaar. Sedert Oktober 2003 word alle sittings in Brussel gehou. Die staat wat die voorbereidings van die agenda van die Raad van Ministers uitvoer, wissel twee keer per jaar, en tot 2009 is die staats- of regeringsleier van dié land outomaties ook die Europese Raad se voorsitter. Die laaste wisselende voorsitter was Fredrik Reinfeldt, die eerste minister van Swede, te wete die land wat in die tweede helfte van 2009 die roterende voorsitterskap beklee het. Sedert 2009 is daar egter 'n permanente president van die Raad, hoewel die land wat die voorbereidings vir die Raad van Ministers tref steeds twee keer per jaar wissel.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.