Die Du Toitskloofpas is 'n bergpas oor die Klein-Drakensteinberge.[1] Dit vorm sedert die opening van die Hugenotetonnel in 1988 nie meer deel van die N1 nasionale pad nie, maar word sedertdien aangedui as deel van die R101-streekroete tussen die Paarl en Worcester.
Hierdie pas is in 1949 deur die destydse eerste minister, dr. D.F. Malan, geopen. Dit is ontwerp deur siviele ingenieur Pieter Agricola de Villiers, wat kort daarna ook die Outeniquapas beplan het. Die Du Toitskloofpas is in die middel van die 20ste eeu beskryf as een van die grootste ingenieursprestasies van daardie tyd. Konstruksiewerk het 7 jaar geduur en aanvanklik is van Italiaanse krygsgevangenes vir die bouery gebruik. Hierdie moderne snelweg tussen die Paarl en Worcester was 37 km lank en 12 nuwe brûe moes gebou word. Met die grootste veiligheid kon 'n spoed van 80 km/h gehandhaaf word, is toe gesê. Die hoogste punt van die pas is 820 m bo seevlak en die maksimum helling is 1:15.[2] Veral die tonnel van 240 m lank was skouspelagtig. In sewe maande is 25 000 ton rots verwyder en die gevolg was die langste tonnel in die land op daardie stadium.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.