Bergpas

'n Bergpas is 'n pad tussen heuwels of berge wat dit moontlik maak om die gebied te kruis. Die bergpas is gewoonlik 'n saalpunt tussen twee hoër liggende punte. Meeste van die wêreld se bergreekse het sedert die vroegste tye beweging bemoeilik. Die bou van bergpasse is dus noodsaaklik om handel en migrasie te vergemaklik. Dit word ook soms gebou om oorlogvoering te vergemaklik.

'n Enkelspoorbergpas.

Die Khyber-pas in Pakistan.

Paaie en spoorlyne word soms oor bergpasse gebou om dit vinniger te maak om die pas oor te steek. Tonnels word ook soms deur ruwe en hoë bergpasse gegrawe sodat verkeer vinniger deur kan beweeg.

Die bokant van die bergpas is gewoonlik op plat grond wat dit geskik maak vir die oprig van geboue. Lande wat se grense op 'n bergreeks lê gebruik soms 'n bergpas om grensbeheer toe te pas. Rus- en uitkykpunte word ook soms op die bokant van bergpasse aangetref.

Van die bekendste bergpasse in Suid-Afrika is:

• Bloukranspas, loop deur die Bloukransrivier op die grens tussen die Oos-Kaap en die Wes-Kaap.
• Chapman's Peak-rylaan, een van Kaapstad se skouspelagtigste rylane.
• Van Reenenspas, 'n bergpas in die Drakensberg in Suid-Afrika.

Sien ook

• Lys van bergpasse in Suid-Afrika
• Lys van bergpasse in Namibië
• Lys van bergpasse oor die Alpe

Wikimedia Commons bevat media in verband met Mountain passes.