Ciudad Juárez

Ciudad Juárez ([sjuˈðad ˈxwaɾes]) is 'n groot stad in die noord-weste van die Meksikaanse deelstaat Chihuahua en is op 8 Desember 1659 deur Spanjaarde onder Fray García de San Francisco as Presidio Paso del Norte gestig. Die stad het 'n bevolking van 1 321 004 en 2 031 319 in die metropolitaanse gebied Ciudad Juárez/El Paso in 2010 gehad, met 'n oppervlakte van 188 km².

Ciudad Juárez
Kaart	Wapen
	Vlag
Land	Meksiko
Deelstaat	Chihuahua
Koördinate	31°44′N 106°29′W
Gestig op	8 Desember 1659
Oppervlakte:
- Totaal	188 vk km
Hoogte bo seevlak	1 137 m
Bevolking:
- Totaal (2010)	1 321 004
- Bevolkingsdigtheid	7 027/vk km
- Metropolitaanse gebied	2 031 319
Tydsone	MST (UTC -7)
Somertyd	MDT (UTC -6)
Klimaat
- Tipe	Subtropiese klimaat
- Gemiddelde jaarlikse temperatuur	16,7 °C
- Gem. temp. Januarie/Julie	5,3 / 27,3 °C
- Gemiddelde jaarlikse neerslae	228,7 mm
Burgemeester	Héctor Murguía Lardizábal
Amptelike Webwerf	juarez.gob.mx

Satellietbeeld van Ciudad Juárez (onderkant) en El Paso (bokant).

Die Rio Grande vorm die grens tussen Ciudad Juárez, Chihuahua (regs), en El Paso, Texas (links).

Die katedraal en missie van Ciudad Juárez.

Ciudad Juárez is geleë aan die grens van die Verenigde State van Amerika naby El Paso en word sedert die Meksikaanse nederlaag in die oorlog teen die VSA in 1848 deur die Rio Grande van die noordelike susterstad geskei. Vanaf Ciudad Juárez tot by die Golf van Meksiko vorm die Rio Grande die grens tussen die twee lande. In 1888 is die stad na die Meksikaanse president Benito Juárez (1806-1872) vernoem. Tydens die Meksikaanse Rewolusie het Ciudad Juárez as 'n belangrike strategiese punt gedien.

Sedert die stigting van die NAFTA saam met Kanada en die VSA op 1 Januarie 1994 het die stad 'n demografiese groei ervaar, veral uit die noordelike susterstad El Paso. Sedert die begin van die Dwelm-oorlog op 11 Desember 2006 is Ciudad Juárez die stad ​​met die meeste moorde. Elke dag word gemiddeld sewe mense deur Meksikaanse dwelmkartelle in die stad vermoor.