![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c0/Rump_steak.jpg/640px-Rump_steak.jpg&w=640&q=50)
Biefstuk
From Wikipedia, the free encyclopedia
Biefstuk word as 'n spesiale snit van beesvleis beskou, en word uit die agterkwart se rugstring of die boonste deel van die boud van 'n jong bees gesny. Dié snit is 'n lekkerny op enige spyskaart, omrede die vleis van hierdie deel baie sagter en smaakliker is as byvoorbeeld snitte uit die voorkwart, nek of bene, wat meer vir potkook gebruik word.
![Thumb image](http://upload.wikimedia.org/wikipedia/commons/thumb/c/c0/Rump_steak.jpg/640px-Rump_steak.jpg)
Dit word dikwels ook steak genoem, hoewel dié term vir die vleis van ander diere soos vark, volstruis, seekat, wild, perde, bokke, kangaroes[1][2] en haaie gebruik kan word.
Die meeste mense vind biefstuk heerlik en is bereid om meer daarvoor te betaal by hulle slagter as vir ander swakker snitte van die bees. Dit word in Suid-Afrika dikwels oor ’n braaivleisvuur gebraai,[3] of andersins in ’n pan. Dit kan ook in ’n geurige sous gekook word as ’n kasserol of bredie of in ’n potjie,[4][5] of as maalvleis in geregte soos bobotie, lasagne, frikkadelle en hamburgers.