From Wikipedia, the free encyclopedia
Akihito (明仁? gebore 23 Desember 1933) het vanaf 1989 tot 2019 as keiser (天皇 tennō?) van Japan gedien en was die 125ste keiser volgens Japan se tradisionele opvolgingsorde.[1] Soos in Japan gebruiklik is hy tydens sy bewind nie by sy geboortenaam Akihito genoem nie, maar "keiserlike majesteit" (天皇陛下, tennō heika) of "Sy huidige majesteit" (今上陛下, kinjō heika). Sy posthume naam sal Keiser Heisei (平成天皇, Heisei Tennō) wees, sy regeringstyd sal ná sy afsterwe darem as Heisei-tydperk (平成時代, Heisei jidai) bekend staan. Hy het die Krisanttroon in 1989 bestyg en in 2019 abdikeer. Sedert sy abdikasie is die amptelike aanspreekvorm keiser emeritus (上皇 Jōkō?).[2]
Akihito | |
---|---|
Keiser van Japan | |
![]() | |
Keiser Akihito in 2014 | |
Dinastie | Keiserlike Huis van Japan |
Bewind | 7 Januarie 1989 – 30 April 2019 |
Kroning | 12 November 1990 |
Volle naam | Akihito (明仁) |
Gebore | 23 Desember 1933 |
Keiserlike Huishoudelike Agentskap-hospitaal, Keiserlike Paleis, Tokio, Japan | |
Voorganger | Keiser Shōwa |
Erfgenaam | Keiser Reiwa |
Opvolger | Keiser Reiwa |
Gade | Keiserin Michiko (1959–hede) |
Kinders | Keiser Reiwa Prins Akishino Sayako Kuroda |
Vader | Keiser Shōwa |
Moeder | Keiserin Kōjun |
Akihito is die oudste seun van die sewe kinders van Keiser Shōwa en sy vrou Nagako. Toe Tokio in Maart 1945 deur Amerikaanse bomwerpers aangeval is, is Akihito en sy jonger broer Masahito (hy heet nou Hitachi) na veiligheid geneem. In Junie 1953 het hy Japan tydens die kroning van koningin Elizabeth II verteenwoordig.
Hy trou op 10 April 1959 met Shoda Michiko. Hulle het drie kinders:
As die destydse kroonprins, het hy sewe staatsbesoeke saam met kroonprinses Michiko afgelê. Ná die afsterwe van sy vader word hy op 7 Januarie 1989 die keiser van Japan. Die amptelike kroningseremonie het egter eers op 12 November 1990 plaasgevind. In Desember 2017 het die Japannese regering die abdikasie van Akihito vir 30 April 2019 aangekondig, hy is op 1 Mei 2019 deur sy oudste seun, Kroonprins Naruhito, opgevolg.[3][4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.