Éseulam

Iseulam (Bahsa Arab: الإسلام‎, al-ʾIslām) nakeuh saboh agama nyang na di dônya. Kitab suci agama Iseulam nakeuh Al-Qur'an.

Islam di dônya.

Agama nyoë neuba lé baginda rasulullah, Muhammad SAW. Geupeutrôn agama Iseulam lé Allah di Meukah meusigo ngön geuutôh Nabi Muhammad SAW jeuët keu rasul ban sigom dônya. Bak watèë nyan keuadaan ureuëng-ureuëng jahiliyah di Meukah mantöng seumah-seumah patông. Lam Iseulam geuatô meumacam bagoë, na hukôm, seujarah, kisah, haba peutakôt, haba peuseunang, ngon le lom peue la'en.

Ne narit

Narit Islam teucok nibak bahsa Arab: الإسلام‎ (tashréf nibak: bahsa Arab: أسلم يسلم إسلاما‎) nyang hareutoejih tapatéh ngon tapubuët ban dum surôh Allah ngon Rasul, tapeujeu'ôh teugah Allah ngon rasul.

Drah Eseulam

Agama nyan ibarat tapeusapat peuët macam bagoë:

1. Iman (إيمان)
2. Islam (إسلام)
3. Tauhid (توحيد)
4. Ma'rifah (معرفة)

Beu na ban peuët nyankeuh barô sidroë-droë ureuëng geupeunan Islam.

Rukon Eseulam

Ka'bah

Rukôn Iseulam:

1. Meuucap duwa kalimat syahadat.
2. Peudöng seumayang limöng watèë siuroë simalam
3. Puasa bak buleuën Ramadhan.
4. Bôh Jakeuët
5. Ék Haji bagi ureuëng nyang ka mampu.

Madeuhab

Peureulèë tatupeuë cit, lam dônya Iseulam na mumacam bagoë Madeuhab:

1. Sunniy
2. Syi'ah
3. Wahabiah
4. La'én-la'én.

Sunni

Nyang geumeukeusud deungön Sunni nakeuh ureuëng-ureuëng Iseulam nyang geumumat bak röt Ahlussunah Wal-jama'ah, ureuëng nyang seutot nabi Muhammad saw. ngön Sahabat göpnyan. Nyang rôh lam madeuhab Sunni nakeuh peuët boh sagay, nyakni:

1. Hanafiy
2. Malikiy
3. Syafi'iy
4. Hambaliy

Ban peuët boh madeuhab nyan dalam bhaih 'èleumèë fiqah. Seudang lam bah 'èleumèë tauhid, meuchuhu duwa droe ulama:

1. Abul Hasan Al 'Asyariy
2. Abul Mansur Al Maturidi

Eu cit

• Iman
• Ihsan
• Ôn Teumanyöng Bhah Islam