![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3d/Kel_tol_sign.jpg/640px-Kel_tol_sign.jpg&w=640&q=50)
音素音節文字
From Wikipedia, the free encyclopedia
音素音節文字(粵拼:jam1 sou3 jam1 zit3 man4 zi6)—可以借英文叫 abugida,又叫元音附標文字或者新音節文字—係表音文字嘅一個大類,呢種文字定義上嘅特徵係以輔音符號做主體、而元音就係以附加符號噉嘅形式標出嘅。呢種文字可以同羅馬字等嘅字母系統比較,兩者都係有符號寫輔音又有符號寫元音,不過音素音節文字啲元音符號會「黐」响啲輔音符號上邊。
![Thumb image](http://upload.wikimedia.org/wikipedia/commons/thumb/3/3d/Kel_tol_sign.jpg/640px-Kel_tol_sign.jpg)
音素音節文字廣泛噉分佈响印度半島同東南亞等嘅地區。响公元前嘅北印度,已經有好多人用婆羅米字(一種音素音節文字)嚟書寫,及後印度教等古印度嘅思想周圍廣傳,吸引唔少人跟住佢哋用婆羅米字寫嘢,令到婆羅米字出咗好多變體,例子有現今响北印度常見嘅天城字,又或者係泰文字呀噉。
以下嘅內容假設讀者已經知道乜嘢係元音(舊時叫「響音」)、輔音同音節。如果有基本概念唔明,亦可以參考吓語音學同國際音標嘅相關內容。