電話
可以用嚟打電話嘅嘢 / From Wikipedia, the free encyclopedia
電話(粵拼:din6 waa2,舊譯名:德律風、國家萬里傳音[1]、電器傳聲器機[2])係種通訊器材,借電波嚟傳送聲音。
響二零零二年六月十五號,美國國會決立咗第二百六十九號議案,確認電話發明人係安東尼奧穆斯(Antonio Meucci),1860年佢喺紐約嘅意大利文報紙度展示同埋講解世上第一部電話。雖則花旗鬼庇路(Alexander Graham Bell)跟住又聲稱自己有份發明電話,不過就遲咗啲咁哚,之但係勝在有功於推廣電話。
另外,同貝爾同期發展電磁傳聲電話嘅,仲有第個美國人艾利沙奇勒,同埋發明人愛迪生(Thomas Alva Edison),貝爾早佢哋兩個少少申請到專利,所以發明權歸佢。
電話技術,日新月異,唔使安死一笪地方先用到,而家幾乎個個人都有部電話,唔使線拉住,細到隨身袋住,呢種就係手提電話,又嗌手機;可以攞嚟上網嘅,嗌做智能電話。