香港女演員同主持人 From Wikipedia, the free encyclopedia
鄭裕玲（粵拼：zeng6 jyu6 ling4；1957年9月9號—），暱稱DoDo，英文名Carol，祖籍四川，生於香港，係香港嘅電影演員、電視劇演員同埋電視節目主持人。因為係前香港無綫電視嘅金牌主持人及藝人，故又稱為Do姐。
鄭裕玲出於香港。自小父母離異，並有一個細佬。鄭裕玲喺2009年志雲飯局Live in Stage中透露佢原名就係鄭裕玲，並唔係謠傳嘅鄭曉同。
鄭裕玲喺1975年中學畢業後因家庭經濟狀況欠佳，而考入香港佳藝電視台藝員訓練班，得到佳視訓練班老師黃霑同埋簡而清嘅推薦，從此走上藝術人生。其後主持第一檔節目《這一代》（1976年）。1978年佳藝電視倒閉後轉投無綫電視。
1979年同周潤發合演電視劇《網中人》，終於大獲成功，且同周潤發成為最佳銀幕情侶形象，此劇亦係其成名作。之後拍攝多部膾炙人口嘅電視劇作品，好似《親情》、《流氓大亨》、《生命之旅》、《警花出更》、《火鳳凰》等30多部作品。
鄭裕玲喺1980年代中離開無綫電視並轉為拍攝電影，高峰時期曾經喺一天內拍攝九組戲，人稱「鄭九組」。曾經主演超過70部電影，例如《飛鷹計劃》、《豪門夜宴》、《表姐，你好嘢！》系列、《三人世界》系列、《八星報喜》、《月亮星星太陽》等。並且分別喺1988年同埋1990年獲得第廿五屆臺灣電影金馬獎、第九屆香港電影金像獎最佳女主角獎項，成為雙料影后。[1]
1990年代中移民加拿大溫哥華時曾離開演藝事業一段時間，之後返回香港。及後鄭裕玲表示移民乃一個錯誤嘅決定，因為當中使咗唔少錢。返港後繼續喺無綫電視服務，主要擔任綜藝節目同埋大型特備節目嘅司儀工作，憑著理性睿智嘅口才同埋氣質修養被冠以「金牌司儀」嘅美譽。
鄭裕玲努力摸索，經常嘗試唔同挑戰，如舞臺劇、模特兒、配音等等。並且工作態度認真，佢唔遲到嘅作風喺圈中屢獲稱讚，因此成為有口皆碑嘅華人娛樂圈中嘅「大姐大」。1989年當時係英國王儲嘅查理斯三世同第一任老婆戴安娜王妃到港時，鄭裕玲更被邀請成為唯一出席嘅香港藝人。佢從藝歷程裏多次接受CNN、BBC、《TIME》雜誌等海內外媒體嘅採訪，其敬業嘅形象代表華人嘅精神。
鄭裕玲甚少向外透露其家庭嘅情況。鄭裕玲生於一個破碎家庭，父母早年離異，同細佬由母親獨自撫養，因此令佢從小對婚姻有著強烈嘅恐懼，同時亦訓練出其獨立嘅性格。
鄭裕玲未結婚。1980年代曾經同甘國亮相戀十年。1990年代同歌手呂方戀愛維持至2008年10月宣佈分手。2005年兩人均公開表示他們有「唔婚，唔生育」嘅共識。2008年分手收場，結束了長達16年嘅拍拖生涯。
交往長達16年嘅情侶檔鄭裕玲、呂方宣告分手，表示係喺彼此長談過之後嘅決定，並沒有撕破臉，未來仍係好朋友。據香港「東方日報」報導，演藝圈另一位大姊大汪明荃，坦言沒聽鄭裕玲聊過此事，希望外界尊重佢同呂方嘅隱私。鄭裕玲嘅友人包括林建明、曾華倩同寇鴻萍等人都未察覺佢有何異狀，知道消息大為震驚。寇鴻萍說，佢只知道呂方經常為嘟嘟下廚做牛排。
根據香港《太陽報》報導，鄭裕玲同呂方這對知名嘅銀壇「姊弟配」「長短腳之戀」，分手並無第三者，亦都同金錢無涉。鄭裕玲接受雜誌訪問時透露自己年已半百，想要往後嘅人生做自己想做嘅事、有自己嘅空間。由於受到更年期嘅困擾，鄭裕玲經常爆跳如雷，呂方只要晚一點回家，佢就會發瘋似嘅趕呂方下樓[2]。而呂方也想搬出去住，所以達成分手協議時並沒流淚也無不悅。
兩人攜手走過唔少風雨，但始終存喺著差異：呂方朋友多、喜歡熬夜同樂，鄭裕玲卻少應酬、習慣早睡早起；呂方一直想要舉行婚禮，鄭裕玲從未動過完婚嘅念頭。而今戀情畫下句點，兩人希望以後維持友好關係，呂方更暗示唔放棄有復合嘅可能。
| 年 份 | 片 名 | 角 色 | 合 作 | 備 註 |
| 1981年 | 追妞 | |||
| 1983年 | 花城 | |||
| 1986年 | 你情我願 | |||
| 1987年 | 天賜良緣 | 金大班 金如意 | 張學友、張曼玉、夏文汐、陳百祥 | |
| 精裝追女仔 | 美容師 | 張曼玉 | 客串 | |
| 神奇兩女俠 | 葉童 | |||
| 美男子 | 伍小姐 | 吳耀漢、董驃、沈殿霞、黃韻詩、何美婷 | ||
| 1988年 | 赤膽情 | |||
| 八星報喜 | 飄紅 DoDo | 周潤發、黃百鳴、張學友、馮寶寶、袁潔瑩、鍾楚紅、李香琴、曹查理 | ||
| 吉屋藏嬌 | 嘉雯 | 爾冬陞、鄭丹瑞、利智、唐麗球 | ||
| 撞邪先生 | 曾小雨 | 鍾鎮濤、萬梓良、鄧碧雲、邱淑貞、陳百祥、王晶、吳鎮宇 | ||
| 月亮星星太陽 | ||||
| 特警屠龍 | ||||
| 女子監獄 | 姣婆蓮 | 夏文汐、馮寶寶、陳奕詩、陳加玲 | ||
| 三人世界 | 朱麗娥 | 林子祥、周慧敏、關之琳 | ||
| 法中情 | ||||
| 最佳損友闖情關 | miss佘 眼鏡蛇 | 劉德華、陳百祥、馮粹帆、曹查理、吳啟華、關之琳 | ||
| 1989年 | 夜瘋狂 | 李美鳳、陳奕詩、馮粹帆 | 台：悍妞闖錢關 | |
| 神勇雙妹嘜 | 梁山伯 | 張曼玉、陳百祥、曹查理、潘震偉 | 台：小迷糊大進擊 | |
| 火燭鬼 | 阿玲 | 鍾鎮濤、午馬、黎燕珊、黃霑 | 台：表哥到續集 | |
| 打工狂想曲 | Becky | 王祖賢、林憶蓮、爾冬陞、張國強、鄭浩南 | 台：蝸年上班族 | |
| 小男人周記 | Ann | 鄭丹瑞、關之琳 | ||
| 單身貴族 | Fian | 張學友、王敏德、王文君 | ||
| 最佳男朋友 | 樂家琪 | 林子祥、劉德華、陳雅倫 | ||
| 年 份 | 片 名 | 角 色 | 合 作 | 備 註 |
| 1990年 | 三人新世界 | 朱麗娥 | 林子祥、周慧敏、張曼玉 | |
| 錯在新宿小男人周記 | ||||
| 祝福 | ||||
| 洗黑錢 | ||||
| 搞怪大律師 | 張堅庭 | 台：古惑大律師 | ||
| 表姐，你好嘢！ | 梁家輝 | 台：表姐，你好 | ||
| 老婆，妳好嘢 | ||||
| BB30 | ||||
| 1991年 | 飛鷹計劃 | Ada | 成龍、伊華歌寶、池田昌子 | |
| 賭霸 | 賭霸 | 梅艷芳、吳孟達、盧冠廷、秦沛、劉鎮偉、 成奎安 | ||
| 表姐妳玩嘢 | 郭富城、胡慧中、萬梓良、任達華、吳孟達、黎姿 | 台：賭后 | ||
| 表姐，你好嘢！2 | 李子雄 | 台：表姐，你好2 | ||
| 契媽唔易做 | 梁家輝、吳孟達、鄭柏林 | 台：表姐當家 | ||
| 黐線枕邊人 | 鄭玲玲 | 洪金寶、高麗虹、于莉、鄒兆龍 | 台：老么真命苦 | |
| 豪門夜宴 | 曾志偉、吳耀漢、洪金寶、張學友、梁朝偉 | |||
| 1992年 | 吳三桂與陳圓圓 | |||
| 三人做世界 | 朱麗娥 | 林子祥、周慧敏 | ||
| 草莽英雌 | 羅美薇、鍾鎮濤、陳惠敏、黃光亮、惠天賜 | |||
| 我愛扭紋柴 | 郭飛螢 | 周潤發、劉嘉玲、毛舜筠、黃秋生 | 台：流氓大亨2 流氓遇到兵 | |
| 阿二一族 | 阿儀 | 洪欣、陳曉瑩、符鈺晶 | 台：阿姨湯丸 | |
| 表姐，你好嘢！3大人駕到 | 黃秋生、陳松勇 | 台：表姐，你好3 | ||
| 噴火女郎 | 鄭丹瑞、邱淑貞、葉德嫻 | |||
| 月滿抱佳人 | ||||
| 1993年 | 黃飛鴻對黃飛鴻 | 雙番東 | 譚詠麟、曾志偉、吳孟達、毛舜筠、黃秋生 | |
| 黃蜂尾後針 | ||||
| 武俠七公主 | 張衞健、吳孟達 | 台：武俠七公主之 天劍絕刀 | ||
| 兩廂情願 | 李帶好 | 任達華、胡大為、梁韻蕊、陸劍明 | 台：真假舞男 | |
| 1994年 | 表姐，你好嘢！4情不自禁 | 台：表姐，你好4 | ||
| 大富之家 | 何守貞 | 袁詠儀、梁家輝、劉青雲 | ||
| 1996年 | 花橋榮記 | |||
| 2002年 | 慳錢家族 | Diana | 曾志偉、陳子聰、楊千嬅、陳奕迅 | |
在80～90年代，DODO作為香港電影界其中一名炙手可熱嘅演員，拍片數量非常多，所以幾乎跟當時嘅大部分藝人都合作過，且合作過嘅藝人大多數係影帝影后，實力非凡，火花四濺。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.svg){kind=small}
