迴圈
From Wikipedia, the free encyclopedia
迴圈(粵拼:wui4 hyun1;英文:loop)係一種控制流程陳述式。
一個迴圈係一串陳述式,特徵係喺段碼嗰度淨係講咗一次,但會喺個程式行嗰陣行幾次:一個迴圈會掕住若干句陳述式同重複條件,個程式會按照個迴圈所指定嘅條件,重複噉執行掕住嗰柞陳述式若干次,直至個條件達到為止,而每一次個程式檢查「個條件達到未」就係一個迭代(iteration)。迴圈嘅使用令到程式編寫方便好多,同一段要用多次嘅碼淨係需打一次[1]。廿一世紀常用嘅程式語言冚唪唥都會包含迴圈,而一啲高階程式語言仲會有多過一種迴圈,例如 C 程式語言、C++、同 C# 等都支援好幾種迴圈嘅使用,當中 C 仲可以用一種陳述式包嗮所有種類嘅迴圈[2]。