語序
From Wikipedia, the free encyclopedia
喺語言學上,語序(粵拼:jyu5 zeoi6;英文:word order)係指一種語文入面啲句法成份出現嘅次序,包括[1][2][3]
例如睇句子入面啲 SVO 嘅話,粵語係一隻以 SVO 為主嘅語言,即係話喺一句典型嘅粵語句子入面,主語會行先,跟住會係動詞,賓語就跟尾;好似我鍾意你呢句粵語句子噉,就係主語(我)行先,然後到動詞(鍾意),最後先至講賓語(你),而如果啲句法成份位置掉轉咗(例如變成你鍾意我)就會搞到句嘢嘅意思唔同咗。標準官話同越南話都係 SVO 型嘅語言[4],而(例如)日本話就出名係行 SOV 嘅語言[5]。
語序並唔係吓吓都定死咗嘅。有部份嘅語言喺語序上比較固定,例如廿一世紀初嘅英格蘭話(英文書寫寫緊嘅語言)就被指係比較冇彈性嘅 SVO 型語言,啲句子好少可有得跟 SVO 以外嘅語序;相比之下,粵語就有啲彈性,可以用 SOV,而且講嘢嘅人好多時都會為咗強調做緊嘅動作,而講出 VOS 噉嘅句子,出現好似[6]
- 食飯啦你。
- —食(V)飯(O)啦(句尾助詞)你(S)
噉嘅句子。篇文跟住嘅部份有講粵語點樣可以用 SVO、SOV、VOS 同 OSV 等嘅多種句子語序。