From Wikipedia, the free encyclopedia
蕭凌志(德文:Olaf Scholz ,德文讀音: [ˈoːlɐf ˈʃɔlts],1958年6月14號—),德國政治人物,現任德國總理,德國社會民主黨(社民黨)成員,曾經喺默克爾內閣擔任財政部長。2021年德國聯邦議院選舉之後,隨住社民黨、自由民主黨(自民黨)同聯盟90/綠黨(綠黨)達成組閣協議,蕭凌志喺同年12月8號獲聯邦議院推選為新任德國總理。
蕭凌志喺1975年以學生身份加入社民黨,並加入咗社民黨嘅青年組織「青年社會主義者組」。佢喺1982年至1988年間擔任聯邦青年社會主義者組副主席。1987年至1989之間,佢亦都係國際社會主義青年聯盟副主席[1]。蕭凌志曾經批評過北約係「侵略性嘅帝國主義同盟」,話西德係「歐洲大企業家嘅堡壘」,他亦都同時批評社會自由主義者聯盟,並且將個聯盟講到係「著重權力鬥爭多過做實事」。 [2] 1984年1月4號,蕭凌志同其他青年社會主義者組嘅領導人喺東德見咗德國統一社會黨中央委員會秘書埃貢·哥倫茲同埋統一社會主義黨中央委員會政治局委員赫拔·哈伯。 1987年,蕭凌志再次出訪東德,並且喺威登堡嘅自由德國青年組織和平集會上面,作為青年社會主義者組嘅代理人去支持裁軍協議。 [3]
2001年5月30日,蕭凌志就任漢堡州內政部長。佢喺擔任漢堡內政部長期間曾經支持通過強制使用催吐劑嚟收集毒品使用者同交易商嘅證據,但因為可能引發健康問題,漢堡醫學會反對呢項提議。 [6] 隨住社民黨喺2001年漢堡州議會選舉落敗,蕭凌志亦都辭去咗漢堡州內政部長嘅職務。 [7] [8]
蕭凌志喺2002年聯邦議院選舉入面再次當選為聯邦議院議員。 2002年至2004年期間,蕭凌志擔任社民黨總書記。 [9]
蕭凌志曾經喺2005年調查德國簽證醜聞入面擔任調查委員會嘅社民黨發言人。同年嘅聯邦議院選舉之後,佢仲擔任社民黨聯邦議院小組嘅第一議會秘書,並且成為社民黨首席黨鞭。喺佢任職期間同德國基督教民主聯盟(基民盟)首席黨鞭羅拔·呂特根密切合作,喺聯邦議院捍衛由總理默克爾領導嘅執政聯盟。 [10]同時,佢亦都做過議會監督小組成員,負責對德國情報部門(BND、MAD同BfV)進行對議會嘅監督。 [11]
2011年3月10日,蕭凌志因為當選漢堡市長而辭去聯邦議院議員職務。 [12]
2007年,蕭凌志喺默克爾內閣擔任勞動及社會事務部部長。 [13]
2009年德國聯邦議院選舉之後,社民黨退出內閣,而蕭凌志當選為社民黨副黨魁。 2009年至2011年期間,佢仲係社民黨阿富汗/巴基斯坦工作組嘅成員。 [14] 2010年,佢去咗喺西班牙薛格斯舉行嘅比德堡年會。 [15]
2011年,蕭凌志成為社民黨喺漢堡州選舉嘅主要候選人,社民黨以48.3%得票率贏得漢堡議會121個席位入面嘅62個。[16] 2011年3月11號,佢喺當選漢堡市長三日後辭去聯邦議院議員嘅職務。[17][18][19]
2011年6月7號,蕭凌志出席由美國總統奧巴馬喺白宮為默克爾舉行嘅國宴,[20]作為喺漢堡舉辦嘅年度聖馬蒂斯日宴會嘅主持人,佢重邀請咗幾名外國政要嚟到漢堡,比如法國總理莊-馬克·埃羅(2013年)、英國首相甘民樂(2016年)同加拿大總理朱斯坦·杜呂多(2017年)。[21]喺2015年到2018年之間,佢仲做咗《法德合作條約》下嘅德意志聯邦共和國文化事務專員。[22]
蕭凌志曾參與基民盟、拜仁基督教社會聯盟(基社盟)同社民黨之間嘅會議,以便喺2013年聯邦議院選舉之後組建聯合政府。[23]喺隨後會議嘅談判入面,佢帶領社民黨代表團參加金融政策工作組;當時嘅聯邦財政部長係禾夫岡·蕭伯樂。[24]據媒體報導,蕭凌志喺當時有可能接替蕭伯樂成為財政部長。雖然後嚟蕭伯樂依然係財政部長,但組建聯合政府嘅談判最終獲得成功。[25]
喺蕭凌志嘅領導下,社會民主黨贏得2015年漢堡議會選舉,並獲得約47%嘅選票[26]。選後社民黨同綠黨組成聯合政府。[27][28]
喺2017年聯邦議院選舉之後,基民盟、基社盟同社民黨達成組閣協議,蕭凌志獲委任為聯邦財政部長兼副總理,喺2018年3月14號隨第四次默克爾內閣一同上任[29]。
2020年8月10號,社民黨提名屬於黨內中間派嘅蕭凌志做社民黨喺2021年聯邦議院選舉嘅總理候選人[30]。蕭凌志領導社民黨喺選舉入面以微弱優勢勝出,贏得25.8%嘅選票同聯邦議院嘅206個席位[31]。 11月24號,社民黨、綠黨同自民黨達成組閣協議,由蕭凌志擔任德國新總理。 [32]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.