萬勝圍站 (地鐵)
From Wikipedia, the free encyclopedia
萬勝圍站（粵拼：maan6 sing3 wai4 zaam6；英文：Wanshengwei Station）；規劃同施工時期嗌過琶洲塔站（paa4 zau1 taap3 zaam6；Pazhou Pagoda Station）佢係4號綫同8號綫嘅轉車站，喺2005年12月26號嘅3號綫首通段開通咗嗰陣，一齊跟住營運。呢個站喺海珠區新港東路嘅琶洲村入面，會展•世界城嘅西北邊，有4個出入口。呢個站既係成個廣州地鐵入面，第一個開放咗之後就係轉車車站嘅地鐵站，又係成條8號綫入面，唯一用咗玻璃幕板結構嘅車站。佢從開通到而家為止，做過以下呢啲身份：
- 2005年12月26號～2009年12月27號：4號綫北邊總站
- 2005年12月26號～2010年10月21號：舊二號綫東邊總站
- 2010年10月25號～而家：8號綫東邊總站
樓層
呢個站一共有地下2層樓。其中地下1樓屬站廳同8號綫月台，而地下2樓屬免費區聯絡通道同4號綫月台。佢同大多數車站一樣，冇任何休息室同廁所響度。
打掂
| 地下 一樓 |
北站廳 | 公共站廳、A出入口專用站廳、售票機、客服中心 |
| 側式月台，開右邊門 | ||
| 3月台 | ← 8號綫列車去琶洲站（行滘心嗰邊） | |
| 4月台 | 8號綫終點月台 | |
| 側式月台，開右邊門 | ||
| 南站廳 | 站廳、售票機、客服中心 | |
| 地下 二樓 |
2月台 | ← 4號綫列車去官洲站（行南沙客運港嗰邊） |
| 島式月台，開左邊門 | ||
| 1月台 | 4號綫列車去車陂南站（行黃村嗰邊） → | |
| 聯絡通道 | 免費區往返兩邊嘅站廳 | |
打橫
 |
 |
 |
 |
站廳
萬勝圍站係分開咗南北兩個站廳，都喺嗮地下1樓。雖然話呢個站嘅兩個站廳同兩個月台都係有條路軌隔開，但係唔理你係免費區定收費區都有條通道連埋一齊，就喺條軌道嘅下面。而站廳入面重有專用𨋢同扶手電梯、樓梯往返邊個月台。
A出入口喺2016年2月26號重新開返之後，喺A出入口嗰邊重搞咗個專用站廳，喺8號綫嘅終點落客月台尾端附近落車嘅人可以喺呢度出站然後再行去其他出入口。
月台
呢個站嘅8號綫係側式月台，喺新港東路地底；而4號綫係島式月台，喺規劃緊嘅新滘東路地底。兩條線嘅月台啱好整咗個十字架出嚟。其中8號綫喺上面，4號綫就喺下面。而大字方面，8號綫嘅喺月台兩邊，而4號綫根本就冇大字。而呢個站嘅柱上面，唔理佢喺8號綫定係4號綫都係冇寫到站名出嚟嘅。
不過喺設計緊4號綫嘅月台嗰陣，由於要留返啲位嚟整扶手電梯同䢂等設備，所以4號綫嘅月台重長過實際嘅4L編組月台，喺列車到咗站之後，司機就一定要推開月台嘅手推門先至可以睇到月台有乜事發生。
另外，呢個站嘅4號綫月台南端有條渡綫響度。若果4號綫北邊出咗冬瓜豆腐嘅話，去黃村站啲車都喺呢條渡線返轉頭。喺5號綫開通之前，冚唪唥嘅4號綫列車都喺呢度返轉頭嘅。而8號綫嘅月台東邊都有條交叉渡線響度，而家4號綫啲車都喺呢度返轉頭。
商舖同自助服務
萬勝圍站嘅北站廳免費區入面有麵包檔、糕餅檔同洗衫檔，另外重有自動櫃員機、自助影相機同埋自動販賣機，重有可以充羊城通，交水電費同交通嘅罰錢、查地鐵嘅路線、頭尾班車同地鐵嘅安全指引，重可以畀乘客登記變成廣州地鐵薈嘅會員嚟查獎分、換獎品嘅服務。
|
|
出入口
| 萬勝圍站冚唪唥嘅出入口 | ||||||||
|---|---|---|---|---|---|---|---|---|
|
呢個站有4個出入口，分別係A、B、C、D。
| 配線圖 | |||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
例
| |||||||||||||||||||||||||||||||||||||||||||||||||||
.svg){kind=small}
.svg){kind=small}
規劃
呢個站最先出喺1997年嘅《廣州市城市快速軌道交通線網規劃研究（最終報告）》嘅方案A入面，嗰時舊二號綫一分為二之後嘅東西向路線，而路線獨立成5號綫重係噉行：
先係從西塱嗰邊開始行，一直向東去到而家昌崗站嗰頭跟住行嗰時舊二號綫嘅路線落去。去到琶洲之後就係分岔路：
- 岔路A：繼續向東行，去到新洲嗰邊為止。
- 岔路B：轉去北邊，去到奧體中心嗰頭。
到咗2000年嘅《近期線網規劃實施調整方案》入面話咗嗰時嘅5號綫支綫拆走咗，變成獨立嘅路線。而獨立嘅路線就變咗而家嘅4號綫，重向北延長到科學城入面。由於嗰時咁啱話要起大學城，所以就將地鐵延長到廣州大學城入面，而呢個站就直接整成嗰時舊二號綫同4號綫嘅轉車車站，而車站嘅位重係而家呢度冇變過。
施工
到咗2003年1月28號，舊二號綫嘅總站調整工程同4號綫首通段正式喺呢個站開始逳手起[1]，工程一直到2005年10月先至搞掂。
開通
2005年12月26號，呢個站同3號綫一樣，喺4號綫首通段（大學城專綫）開通咗之後，正式開咗呢個站畀人坐車重一直到而家。
舊二號綫一分為二
喺呢個站開通咗之後一直到2010年9月21號為止，係舊二號綫嘅車站。不過喺2007年6月25號，由於國家發改委通過咗廣州地鐵嘅2號綫同8號綫嘅延長段工程，而呢個工程喺2007年8月份就正式逳手。[2]佢就係將舊嘅二號綫喺呢個站同江南西站之間嘅位拆開佢，重分別向南、西、北三個方向延長。就喺2010年9月22～24號，由於成條舊嘅二號綫都停運咗嚟搞路線一分為二嘅工程。
變成8號綫同4號綫嘅轉車車站
2010年9月25號朝早，呢個站重新開放。佢而家係8號綫同4號綫嘅轉車車站。
4號綫嘅延長
從呢個站開放咗之後，呢個站試過做咗4號綫嘅北邊總站，但係到咗2009年12月28號，由於5號綫嘅開通，地鐵甚至重向北延長咗一個站[註 1]，而呢個站俾地鐵公司取消咗總站嘅資格。
站名
因為嗰時定呢個站響呢度嗰陣，車站周邊都係一大片泥地，冇乜高樓住宅同大廈、百貨商場響度，所以改名叫「萬勝圍站」。而「萬勝圍」呢三個字就係喺中國解放之前，有位地主話佢自己有幾十畝地噉解[3]。但係好多乘客重以為呢個站附近有個萬勝圍村響度，實際根本就冇呢個村。
由於呢個站個名冇乜人知，所以就搞出咗好多拗數，重有一小部分人話將呢個站改名嗌「琶洲塔站」。但係琶洲塔離呢個站重有超過1km嘅距離，而且重容易同有軌電車嘅同名車站撈亂。
出入口
車站開通時凈得A、B、C、D四個出入口，其中A出入口因為隔籬要起廣州地鐵線網控制中心而喺2012年6月26號封咗[4]，直到2016年2月26號先至重新開通[5][6]。而B出入口之前喺入黃埔古港路口附近，屬臨時出入口，直到2015年12月21號先至向東移咗去琶洲城市花園嘅售樓部附近[7]。
呢個站係廣州地鐵入面，第一個開放咗之後就係轉車嘅車站，所以就做咗往返廣州大學城嘅乘客轉車任務。不過4號綫向南延長到金洲站且向北延長到黃村站之後，坐8號綫嚟呢個站落車啲乘客想去廣州科學城、天河智慧城或南沙區嗰邊就喺呢度轉車，所以日日都好好多人嚟呢度轉車。
另外，由於距離呢個站冇幾遠就係黃埔古港等本地旅遊景區，甚至重係海珠區入面，去長洲島最近嘅地鐵站。喺廣州市區居民嚟講，一到咗好天嗰陣，有好多本地旅客嚟呢個站落車轉巴士去黃埔古村、或到新洲再轉船去長洲島（尤其係黃埔軍校嗰邊）入面玩。
巴士：
- 日班車
- 137：新洲↔動物園南門
- 229：琶洲石基村(黃埔古港)↔羅沖圍(松南路)
- 262：新洲↔珠江帝景苑
- 564：黃埔村↔天河客運站
- 762：黃埔村↔海珠客運站
- 旅遊3：琶洲石基村(黃埔古港)↔中成路
- 旅遊觀光1：黃埔古村↔珠江泳場
- 高快59：琶洲石基村(黃埔古港)↔羅沖圍(松南路) （限喺平時嘅上晝同晏晝嘅高峰期）
- 高快77：新洲→赤崗北路(藝洲路口) （限喺平時嘅上晝同晏晝嘅高峰期）
- 夜班車
- 夜66：新洲↔珠江帝景苑（限喺深夜）
廣州地鐵博物館
廣州六中珠江中學
博物館
樓盤
- 琶洲福苑
- 會展·世界城
祠堂
- 鄭氏宗祠
指揮站
- 廣州地鐵綫網指揮中心
商場
村落
- 黃埔古村
- 琶洲石基村
學校
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
