荔枝
From Wikipedia, the free encyclopedia
荔枝(粵拼:lai6 zi1;喺從化區或廣州北邊嘅鄉下地區係讀laai4 zi1;順德地區嗰邊讀laai6 zi1;學名:Litchi chinensis);英文界入面嗌佢係「‘’‘lychee’‘’」;印度嗰邊嗌佢係列茨(lit6 ci4;印地文:लीची );佢係無患子科嘅常綠喬木。原產地喺中國,而家喺中國嘅廣東、廣西、海南、福建、四川同雲南嘅大概從北緯18度到北緯28度嘅地區都見到佢,甚至喺亞洲嘅越南、泰國等國都見到佢。而美洲嘅美國嘅佛羅尼達州同加州、墨西哥、澳洲嘅昆士蘭、印度、非洲嘅南非、馬達加斯加同西亞嘅以色列等國家係引咗荔枝入嚟種嘅。呢樖嘢既係長壽兼高產嘅果樹,又係俾人話成係「水果界嘅皇后」。佢重係全世界從古代到而家為止,係出嗮名嘅華南名貴水果。另外,中國係全世界入面種荔枝最早嘅國家[1],從佢開始種嗰時到而家為止有成2000幾年嘅種植歷史[2]。佢同香蕉、菠蘿同橙一齊,話成係嶺南四大名果。