From Wikipedia, the free encyclopedia
英鎊(英文:Pound Sterling,有時就噉叫pound或者sterling[2]),有人寫成英磅,俗稱鎊紙。係英國通行嘅貨幣。英鎊主要由英國嘅中央銀行-英倫銀行發行,但係亦有其他發行機構。最常用於表示英鎊嘅符號係£。國際標準化組織畀英鎊嘅ISO 4217貨幣代碼係GBP(Great Britain Pound)。
1971年,英鎊改用百進制,100便士 pence(100p)等於 1鎊(£1)。 1971年之前,一英鎊等於20先令 shilling,而1先令等於12便士。
英鎊曾經喺1991年俾國際炒家衝擊,結果係英鎊響短時間內大幅貶值。
截至2019年10月,英鎊係繼科威特第納爾、巴林第納爾、阿曼里亞爾同約旦第納爾之後,同等值嘅福克蘭群島鎊、直布羅陀鎊同聖海倫娜鎊並列世上第五高幣值嘅流通貨幣,約莫1.2美元先至兌到1鎊。