英國護照係畀任何種類英國國籍人士嘅護照。
 | 請撳 Wikipedia:翻譯/英國護照，去整翻譯請求。(翻譯指引) |
英國身分及護照服務處負責做英國（大不列顛及北愛爾蘭聯合王國）本土境內嘅護照簽發。海峽群島同萌島嘅代理總督負責島上英國護照嘅簽發。
各英國海外領土嘅總督負責做所屬領土內嘅英國護照簽發。英國駐外國大使、領事館或者高級專員公署嘅護照部都可以幫海外嘅申請人做申請同補領嘅嘢。
英國護照一般嘅有效期係10年，1998年之前簽發嘅未夠16歲護照有效期係5年。
英國政府由2006年3月開始簽發生物特徵嘅英國護照。
以下類別人士可以申請英國護照：
- 英國公民（GBR）
- 英國海外領土公民（前身為「英國屬土公民」，GBD）
- 英國海外公民（GBO）
- 英籍人士（GBS）
- 受英國保護人士（GBP）
- 英國國民（海外）（GBN）
各組三個字母電碼係ISO/IEC 7501-1機讀護照alpha-3所分配嘅標準。
除咗英國國民(海外)跟據1986年香港英國國籍令第四條（2）享有合法權利擁有之外，其餘英國國民需要英國政府以皇室特權下行使斟酌權去申請護照。
每本英國護照封頁內頁有以下嘅英文內容：
舊版啲嘅英國護照明確地指明以某女皇陛下主要外交事務大臣（Her Britannic Majesty's Principal Secretary of State for Foreign Affairs）同埋名而簽發嘅字眼。
全部由2006年3月開始簽發嘅生物特徵英國護照尾二頁上，印有個人資料頁各欄目嘅各歐洲聯盟官方語言（除咗羅馬尼亞語同保加利亞語之外）翻譯。
英國護照唔似美國護照咁，被簽發機關可加多頁數嘅功能。英國護照持有人一定要等到本護照滿頁時補領。
跟據歐洲共同體條約內嘅目的，擁有歐洲公民資格嘅英國國籍人士包括英國公民、直布羅陀嘅英國海外領土公民、同埋享有居英權嘅英籍人士。
其餘英國國籍人士，即係無居英權嘅英國國民（British nationals without right of abode）會被簽發「似模似樣」（Lookalike）嘅英國護照；即係本護照封面上無「歐洲聯盟」（European Union）嘅字眼。
有啲英國護照會係備註頁上被加印上以下任何備註；成為護照原裝一部份：
- Holder is not entitled to benefit from European Community provisions relating to employment or establishment
- Holder of this passport has Hong Kong Permanent Identity Card No: A123456(7) which states that holder has right of abode in Hong Kong *
- 英國國民（海外）護照嘅備註保証持有人擁有居港權。
- Holder is entitled to right of abode in the United Kingdom
- 有居英權嘅英籍人士，大多數係愛爾蘭共和國出世嘅，會響護照上有呢類備註。有居英權嘅英聯邦公民可以喺護照內簽証頁上，被英國內政部蓋印「居留（英國）權證明書」蓋章。
- Holder is entitled to readmission in the United Kingdom
- 合資格同埋享有「無條件出入境（英國）許可」嘅英國海外公民、英籍人士同埋受英國保護人士會響備註頁上被加印上呢類備註。
- Holder is subject to control under the Immigration Act 1971
- 某啲無居英權嘅英國國民，響申請「無條件出入境（英國）許可」之前會被加印嘅備註。
- In accordance with UK immigration rules the holder of this passport does not require an entry certificate or visa to visit the UK
- 意思係保証英國國民(海外)護照持有人享有英國六個月免簽証代豁。
- Holder is also known as ...
- 護照持有人另外有嘅合法名稱。
首批英國護照係由中世紀英國當地君主頒發畀任何國籍旅行者嘅安全證書（Sofe Conducts）。喺英國境內，「護照」呢個名首先喺1414年嘅國會立法上被印出。1540至1685年期間，英格蘭護照變咗由樞密院發行但仍由英格蘭君主簽署。一名內閣國務大臣響查理斯二世在位嗰時開始可以代君主簽署護照；並到1794年起由一名內閣國務大臣而簽發護照嘅字眼開始出現嘞。
英國境內簽發嘅護照初期係用拉丁文或英文寫成嘅；1772至1858年之間更只用法文嘅㖭。自1858年開始，英國護照再開始用英文寫成，兼有各欄目嘅法文翻譯。
響1858年起，英國護照只准向英國國籍人士簽發同埋補領。直到1914年本版護照印刷嗰陣，以往英國護照至係得一頁包括持有人張相嘅紙𡁵啫。
1914年英國國籍及外國人身份法立法，1915年版護照將紙摺成八份兼有硬封面，入面有持有者說明同埋相，每兩年就要續領。
舊藍色版護照
三十二頁護照，而家被稱為「舊藍色版護照」（The Old Blue），係響1920年成立英國護照服務處之後，同埋跟隨國際慣例而發行嘅；用到1988年酒紅色版護照發行為止。兩個版本，一個係畀個人（可以加埋配偶）嘅；另外一個係畀成家人嘅。舊藍色版護照曾經過各種各樣嘅設計修改：
英國訪客護照
響1961至1995年期間，英國國民可以向就近英國郵政局申請英國訪客護照。呢一頁硬板紙證件只有一年有效期，並得到多數西歐國家承認。後來因為碎弱嘅防竊同保安要點因素而停用。
現代酒紅色版護照
1988年8月15號，英國護照服務處響格拉斯哥嘅辦事處，成為首次推出酒紅色版護照嘅地點；其後擴展到全球各英國護照簽發機構。酒紅色版護照即係一本有酒紅色封面，同埋有機器閱讀功能（Machine-readable passport）嘅護照；國際民航組織（International Civil Aviation Organisation）指定嘅標準，可以令出入境官員用機讀方式（個人資料頁底有兩行資料打印）嚟快啲核實持證人身份。
雖然有32頁本同埋48頁本酒紅色版護照，但英國政府推出咗兩種護照嚟分別唔同種類嘅英國國民。享有歐洲公民權利嘅英國國民會被簽發有歐洲共同體，或者1997年後有歐洲聯盟字眼響封面頂嘅英國護照。其餘英國國民就會被簽發無歐盟嘅英國護照。
1988至到2006年初嘅酒紅色版護照入面每頁上有都鐸王朝嘅玫瑰、三葉草、黃水仙、同埋薊嘅水印。1999年至2006年版設計內，將持證人相片同埋簽名電子化響個人資料頁上。防偽反光標誌被直接固定咗響持證人張相上面（將護照頁響光下傾斜，可以睇清楚張相個樣）。
生物特徵嘅護照
英國政府由2006年3月開始簽發生物特徵嘅英國護照。第二版兼現行生物特徵嘅英國護照響2010年10月5號推出[1]。
全部由2006年3月開始簽發嘅生物特徵英國護照尾二頁上，護照資料頁另一邊存有射頻識別標籤或晶片，晶片儲存嘅資料包括護照持有人嘅個人資料（同時印喺護照資料頁上）、照片、簽名及容貌辨認資料。除咗無羅馬尼亞文同保加利亞文之外，個人資料頁各欄目嘅印有各歐洲聯盟官方語言嘅翻譯；再加埋威爾斯語同埋蘇格蘭蓋爾語首次出現。個人資料頁內容仍只用英法兩種語文印出。
當2006年身份證法響2008年立法嗰時，任何英國公民到時申請護照，佢嘅個人資料必須要被同時登記入全國性人事登記庫內；任何個人資料變更必須要更新。
護照同埋身份證手績費預期將會加價到£93。
2006年5月，反對團體NO2ID發起（Renew for Freedom）運動，促請公眾應喺嗰年夏天之前申請護照；以免個人資料被輸入國家人事登記庫內。起因為當時內相祈卓禮喺下議院聲稱"anyone who feels strongly enough about the linkage [between passports and the ID scheme] not to want to be issued with an ID card in the initial phase will be free to surrender their existing passport and apply for a new passport before the designation order takes effect" .
各種英國國籍享有不同外國入境簽證待遇。請睇：
以下係歷來響英國本土申請英國護照費用嘅資料。
根據衛報嘅文章，生物特徵護照嘅射頻識別標籤裏面資料，能夠被市面出售嘅軟硬件查閱。基於加密資料能夠以護照個人頁資料組成嘅密碼解封，只要有軟硬件喺手嘅人都查得到、甚至盜用他人資料。生物特徵護照亦容易被暴力破解。並因為以幾厘米距離都可以閱讀護照嘅射頻識別標籤，不法份子可能冇護照喺手都可以盜閱資料[5]。
所以複製一本生物特徵護照資料頁嘅可能性依然存在。由於生物特徵護照高度保密，信任程度高，令人懷疑持有複製嘅生物特徵護照嘅人會比持一般護照嘅人更易逃過偵測。
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
