興安路 (廣州)

  呢篇文講廣州市嘅興安路。想搵其他城市嘅興安路嘅話，請睇興安路。

興安路（粵拼：hing3 ngon1 lou6）係中國廣東省廣州市入面嘅一條馬路。呢條馬路喺天河區珠江新城入面，成條馬路好似個英文字體SF Square Head嘅阿拉伯數字「7」字噉，西邊喺花城廣場入面開始，一直向東去到臨江大道嗰頭。

兴安路 XING'AN ROAD

性質： 一般馬路 全長： 0.55公里 行車線： 雙向2車道 地區： 廣州市天河區 起點： 花城廣場 終點： 臨江大道 主要建築： 廣州圖書館 廣東省博物館 利雅灣 博雅首府

概要

全長550米，闊10米，雙向2車道。其中馬路最西邊嗰橛去唔到珠江東路嗰頭。

經過嘅道路

呢度啲路嘅順序係從西去到東嚟排嘅，其中加粗咗嘅字係主幹道：

• 花城廣場（掘頭路）
• 冼村路
• 臨江大道

珠江新城一帶嘅路名，4個成語就可以搞清楚喇。

廣州嘅珠江新城呢帶嘅路名，都係冇嗮規律先至出咗名嘅。由於個路名都係求其改咗1——2隻字，所以唔理你係外地人定係廣州本土嘅街坊都成日搞錯嗮。其實呢度啲馬路如估記住呢4個成語嘅話，就知係邊條路喇^[1]。呢度講嘅珠江新城4個成語路名當中，出喺國盛民安嘅成語入面，其中就包括咗下面加粗咗嘅字嘅其中一條馬路：

• 國盛民安：興國路、興盛路、興民路、興安路

註

1. 趣：4个成语读懂珠江新城路名（图） 互聯網檔案館嘅歸檔，歸檔日期2020年9月9號，. 廣州本地寶