經驗值
From Wikipedia, the free encyclopedia
每當個玩家用個角色達成某啲工作(例如係打低敵人或者完成任務等),個角色就會得到經驗值;喺絕大多數嘅 RPG 當中,玩家角色喺開頭係好弱嘅(各種能力值好低),但隨住佢哋得到經驗值,佢哋嘅其他能力值會提升,甚至仲可以得到新嘅異能,令到佢哋戰鬥力變得更勁;而且亦都有唔少遊戲會要求玩家角色起碼有一定量嘅經驗值先可以進入地圖某啲地帶,嗰啲地帶往往會有好好打嘅敵人等玩家[1]。有遊戲設計學者指,能力值俾玩家有一種「進展緊」嘅感覺,令佢哋有意慾投放時間落隻遊戲嗰度[2]。