紫微右垣 (星官)
From Wikipedia, the free encyclopedia
紫微右垣(Right wall[1])係星官之一,喺紫微垣之下。紫微右垣有八粒星,排到好似埲牆咁,即係佢叫嘅垣。佢同紫微左垣互相對應。紫微右垣一二三,喺西洋天文嘅天龍座內,而紫微右垣四,喺大熊座內,重有紫微右垣五六七,喺鹿豹座。
紫微右垣同紫微左垣,係象微王宮,全部係文武官組成。裏嘅北極星官,就象微帝王,有太子后宮等。另外重包埋勾陳呢個星官。
紫微右垣一,又叫右樞,係西洋天文來講,係天龍座α星;紫微右垣二,又叫少尉,係天龍座κ星;紫微右垣三,又叫上輔,係天龍座λ星;紫微右垣四,又叫少輔,係大熊座24星;紫微右垣五,又叫上衞,係鹿豹座43星;紫微右垣六,又叫少衞,係鹿豹座α星;紫微右垣七,又叫上丞,係鹿豹座嘅HD 20336。