美國第46任總統 From Wikipedia, the free encyclopedia
小祖瑟夫·羅賓列特·拜登（Joseph Robinette Biden Jr.，1942年11月20號—）係第46任美國總統。祖拜登係賓夕凡尼亞州斯克蘭頓人，屬美國民主黨，喺2009至2017年做美國副總統，之前做過卅幾年特拉華州參議員。
| 細祖瑟夫·羅賓列特·拜登 Joseph Robinette Biden Jr. | |
|---|---|
美國白宮官方肖像相 | |
| 第46任美國總統 | |
| 任期 2021年1月20號－預計2025年1月20號 | |
| 副總統 | 賀錦麗 |
| 前任 | 當勞侵 |
| 繼任 | 當勞侵 |
| 第47任美國副總統 | |
| 任期 2009年1月20號－2017年1月20號 | |
| 總統 | 巴拉克·奧巴馬 |
| 前任 | 迪克·切尼 |
| 繼任 | 邁克朋斯 |
| 個人資料 | |
| 性別 | 男 |
| 出世 | 1942年11月20號 美國 斯克蘭頓 |
| 國籍 | 美國 |
| 政黨 | 民主黨 |
| 配偶 | Neilia Hunter Biden（1966年結婚；1972年逝世） Jill Biden（1977年結婚） |
| 仔女 | 博 亨打 娜奧美 艾殊莉 |
| 居住地 | 美國 白宮（2021年至預計2025年） 美國 威明頓（私人） |
| 母校 | 特拉華大學 雪城大學 |
| 職業 | 政治人 |
| 專業 | 律師 |
| 知名於 | 美國總統 美國副總統 美國參議員 |
| 宗教信仰 | 羅馬天主教 |
| 簽名 |  |
 |
拜登喺2020年第59屆美國總統選舉擊敗咗爭取連任嘅總統當勞侵[1]，但關於拜登涉嫌選舉舞弊嘅爭議一直揮之不去[2][3][4]。喺佢上任後，內政上以氣候變化為藉口禁止石油產業[5]，搞到大量美國人失業[6]，更因此造成美國能源短缺同大規模通貨膨脹[7]，甚至出現幾十年嚟最嚴重嘅經濟衰退[8]，外交上則軟弱不堪[9]，屢次向中國共產黨讓步[10]，導致中共更加有恃無恐[11]，加速破壞國際秩序[12]，而阿富汗危機中嘅無能表現更係令塔利班成功奪取阿富汗政權[13]，搞到美國遭受有史以嚟最慘重嘅失敗[14]。
拜登喺1970年代反對援助南越政府。1980年代反對列根政府援助尼加拉瓜嘅康特拉游擊隊，又反對列根嘅「星球大戰計劃」。1990年伊拉克入侵科威特之後，拜登喺國會投票反對授權美國政府打海灣戰爭。但係拜登喺2002年10月就投票支持小布殊政府攻打伊拉克[15][16]。
2015年2月17號，喺新任國防部長阿什頓卡特嘅宣誓儀式上，拜登企喺卡特妻子斯蒂芬尼後面，兩隻手擺喺佢兩肩度，又將個頭哄到貼住對方頭髮，引起咗話題[17]。拜登亦因為響2015年1月參議員宣誓儀式嘅合照時段同參議員庫恩斯個女講嘢嗰陣，捉住對方手臂同將個頭哄埋對方而引起咗爭議，不過庫恩斯就話佢個女唔覺得拜登令人唔舒服[18]。
2020年2月24號，拜登喺南卡州民主黨人嘅晚宴上講錯自己喺度選緊參議員[19]。拜登喺2020年6月攞到夠佢成為民主黨總統候選人嘅民主黨代表票。拉斯穆森報導喺2020年6月29號發表咗一項民意調查，話有38%嘅有意投票選民相信拜登有某種形式嘅失智症，48%選民話唔同意，14%選民話唔確定，有20%嘅民主黨選民、66%嘅共和黨選民同30%嘅兩黨以外選民相信拜登有失智症[20]。
拜登政府以應對氣候變化做理由，喺2021年叫停咗拱心石輸油管道第4期工程同埋一度唔再響聯邦土地批出新嘅石油同天然氣田租約，但係當美國能源成本上升之後，拜登政府喺2021年8月呼籲石油輸出國組織增加石油生產去壓抑油價，有人就話佢咁樣係自相矛盾[21][22][23]。
2021年12月嘅美國消費者物價指數按年累積升幅去到7%，係1982年以嚟嘅新高[24]。
2022年1月，做緊最高法院大法官嘅布雷耶宣佈將會退休[25]，之後拜登提名凱坦吉·布朗·傑克森接佢個位，4月喺參議院通過提名。
2022年5月，美國嘅嬰兒奶粉荒搞到變成政治危機，搞到拜登政府畀人批評[26]。2022年5月美國嘅消費物價指數按年升咗8.6%，高出市場預期，並創下1981年12月以來新高[27]。去到6月，衛生巾同衛生棉條嘅缺貨開始受到新聞媒體關注[28][29]。
2021年4月14號，拜登宣佈美國同北約盟國同埋行動伙伴會喺9月11號之前完成由阿富汗撤軍嘅計劃[30]。2021年7月8號，拜登宣佈撤軍限期定咗喺8月31號，拜登當時話佢對阿富汗軍方嘅能力有信心，仲話塔利班佔領成個阿富汗嘅可能性好低[31]。但喺塔利班響2021年8月15號佔領咗阿富汗首都喀布爾，仲喺9月初話已經控制咗成個阿富汗[32]。
2022年2月11號，拜登簽咗一項行政命令，容許將阿富汗中央銀行畀美國凍結咗嘅70億美元嘅其中35億美元用喺對阿富汗嘅人道主義援助，另外嗰35億美元就容許分畀九一一襲擊事件嘅受害者[33]。
2021年5月19號，拜登政府宣佈解除對北溪2號管道嘅一啲制裁措施，呢條管道係用嚟輸送俄羅斯天然氣去德國[34][35]。去到2021年9月，北溪2號管道起好[36]。
2021年12月8號，拜登話如果俄羅斯入侵烏克蘭，美國唔會單方面出兵幫烏克蘭[37]。喺2022年俄羅斯入侵烏克蘭之後，《華爾街日報》喺2022年3月10號話拜登因為驚激嬲俄羅斯總統普京，否決咗向烏克蘭提供波蘭戰機嘅提案[38]。2022年5月9號，拜登簽署《2022年烏克蘭民主防衛租借法》[39]。
 | 呢版要更新，以反映最新情況。加完料之後唔該拎走個模。 |
 |
美國美國前國防部長羅拔蓋茨喺佢響2014年出嘅回憶錄度話拜登過去40年嚟喺幾乎每項主要外交政策同國家安全議題上都犯錯[41]。
由於拜登喺處理武漢肺炎美國疫情、阿富汗危機、通貨膨脹等問題嘅無能表現引起美國人不滿，因此開始出現大量「屌鳩拜登」（Fuck Joe Biden）嘅口號嚟抗議佢，後尾又有人用「加油班頓」（Let's Go Brandon）呢句口號嚟代替「屌鳩拜登」。
2021年12月10號，《華盛頓郵報》有篇文話拜登喺烏克蘭事態上對俄羅斯表現軟弱，喺俄軍猛咁喺俄烏邊境集結嘅時候，拜登好似畀尼維爾張伯倫附身咁，喺度搵有乜方法可以滿足俄羅斯總統普京，反而畀普京覺得有機可乘[42]。
拉斯穆森報導喺2022年1月31號發表嘅一個民調話有50%嘅有意投票選民支持彈劾拜登，有45%嘅選民話反對彈劾[43]。
喺2022年2月23至24號做嘅一個哈佛CAPS－哈里斯民調話有64%嘅美國登記選民覺得拜登對俄羅斯太寬容，只有5%選民覺得拜登對俄羅斯太強硬[44]。哈佛CAPS－哈里斯民調又話有59%選民相信俄羅斯總統普京入侵烏克蘭嘅部分原因係普京睇到拜登嘅軟弱[44]，同埋有62%選民相信如果特朗普仲係美國總統嘅話，普京就唔會入侵烏克蘭[45]。
中國共產黨2021年2月25號，喺拜登命令下，美軍25號空襲敘利亞。翌日，中共外交部發言人汪文斌喺記者會上回應話：「中方注意到有關的報道，我們呼籲有關各方尊重敘利亞的主權、獨立和領土完整，避免給敘利亞局勢增加新的複雜因素。[46]」
俄羅斯
馬來西亞2020年11月21號，馬來西亞前首相馬哈迪接受《日經亞洲評論》訪問時認為佢會採取比上任總統當勞侵更理性嘅方法，同埋可以重建美國喺當勞侵政府領導下受損嘅一切[49][50]。
墨西哥2021年3月23號，墨西哥總統Andrés Manuel López Obrador批評拜登寬鬆嘅邊境同移民政策，令非法移民（尤其是越過美墨邊境嗰啲）人數激增，變咗壇大危機[51][52]。
阿蓋達首領賓拉登生前叫過手下搵機會趁美國總統奧巴馬或者美軍指揮官彼得雷烏斯訪問巴基斯坦同阿富汗嘅時候刺殺佢哋，但係拉登話唔好搞副總統拜登，拉登話拜登完全未準備好做總統個位，將會令美國陷入危機[53]。
{{cite book}}: More than one of |author2=、|last2= specified (help)Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
