![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/88/Plato_Silanion_Musei_Capitolini_MC1377.jpg/640px-Plato_Silanion_Musei_Capitolini_MC1377.jpg&w=640&q=50)
知識論
From Wikipedia, the free encyclopedia
知識論(粵拼:zi3 sik1 leon6)係哲學嘅一門,專門探討知識嘅本質、起源同範圍,包括咗以下呢啲問題[1]:
![Thumb image](http://upload.wikimedia.org/wikipedia/commons/thumb/8/88/Plato_Silanion_Musei_Capitolini_MC1377.jpg/640px-Plato_Silanion_Musei_Capitolini_MC1377.jpg)
呀噉。知識論歷史悠久,起碼可以追溯到去古希臘哲學嗰度,例如柏拉圖[英 1](公元前 5 至 4 世紀)就試過對「乜嘢係知識」同「要點追求知識先理想」等嘅問題作出過思考,而打後中世紀(5 至 15 世紀)同啟蒙時期(18 世紀)等時代嘅西人哲學家仲有將知識論繼續發展上去[4][5],當中經驗主義-簡化講即係認為「知識淨係嚟自或者主要嚟自感官經驗」嘅觀點-更加係現代科學嘅基礎[6]。
知識論同心靈科學一定程度上相輔相成:心靈科學係用科學方法研究心靈嘅領域,會用數學模型等嘅方法模擬同了解心靈嘅相關現象,包括研究人點樣學習同得到知識;兩者分野在於,心靈科學係實證嘅,即係想客觀噉描述心靈點樣吸取同處理知識;相比之下,知識論包括規範[英 2]嘅知識研究,即係會對於「應該要點求知」等涉及「應該」嘅問題作出思考,引導人達成知識上嘅理想-而知識論家喺思考呢啲規範性嘅問題嗰陣,好多時會參考心靈科學上嘅研究,(例如)了解人喺認知能力上有乜局限,按呢啲局限諗出能夠有效噉教人追求知識嘅方法[7][8]。