玻璃心 (歌)
黃明志同陳芳語嘅歌 / From Wikipedia, the free encyclopedia
《玻璃心》(粵拼:bo1 lei1 sam1)係馬來西亞歌手黃明志同陳芳語喺2021年10月15號推出嘅單曲,一推出就受到歡迎,唔夠兩日就獲得過百萬點擊率[1]。黃明志話首歌係「一首充滿了粉紅色的浪漫甜蜜情歌」[2],短短4日更加突破750萬觀看人數,同時亦喺香港、台灣、馬來西亞同新加坡熱門排行榜上面排第一。作品入面唔少元素都被認為係針對中國共產黨指諷刺小粉紅同中國大陸唔同嘅社會問題,引起唔少迴響,包括新浪微博對兩位歌手嘅言論自由打壓,並將黃明志同陳芳語兩人嘅作品全面下架、禁播[3]。