From Wikipedia, the free encyclopedia
王晶（Wong Jing，1955年5月3號—），花名晶哥、肥螳螂，原名王日祥，係香港導演。浙江紹興市人，香港出世，佢老豆係以前港產片名導演王天林。
王晶後生嗰陣係喺香港培正中學讀書，同屆同學有傳媒人葉家寶、藝人黃杏秀、生意人陳國強（外號殼王）同無綫新聞前主播許友明[1][2]，之後考入香港中文大學讀書，1970年代已經以兼職身份喺無綫電視工作，逐漸做到編劇。
1980年代投身電影業。第一部戲係《千王鬥千霸》。佢專門拍商業片，例如《精裝追女仔》同埋《賭聖》系列。佢從影以嚟已經拍過超過一百八十部電影，票房累積計超過十億港紙。
佢嘅電影通常唔考慮美學概念，而係商業考慮特別多，尤其係佢專門拍畀啲嘅草根階層睇，所以色情戲佢都拍唔少。所以一啲影評人成日唔妥王晶啲電影，認為佢無良、賤格，但王晶就成日批評番啲影評人以及同行，話佢哋啲讚或拍嗰啲戲成日都唔收得，冇資格批評佢。
王晶唔止一次多次被指欺騙女藝人拍攝裸露劇情，當中受害女藝人包括朱茵同李婉華。
其中喺1999年推出嘅三級片《強姦2制服誘惑》，朱茵一開始被話係拍「愛情懸疑片」，叫做《午夜人狼》，佢嘅角色仲係個警察角色，好有挑戰性。但點知片中充斥凌虐同裸露戲，之後先改片名叫《強姦2》，真係冇得揀。呢件事令佢好無奈，事業亦受到一定影響，有人甚至話佢係三級女星[3][4]。另外，李婉華接拍《制服誘惑2地下法庭》嘅時候，開工前一日收到電話，要求佢「大膽演出」，連劇本都冇咁嘅戲份。佢就拒絕，仲搵曾志偉求助，最後佢唔駛「大膽演出」。但電影出嚟之後有好多裸露場面，佢就話可能係替身上陣啦[5][6]。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
