濕地(英文:Wetland)係水草交雜嘅地方,喺自然學上,陸生生態系統同水生生態系統交界處嘅統稱。佢種類有好多隻,例如有北方苔原沼澤,熱帶泥炭沼澤,所有嘅河流,低窪地區,池塘等。呢度生咗好多濕地植物。濕地全世界好多地方都有,有好多唔同動植物,係個好重要嘅系統。呢度有好多雀仔同唔同嘅野生動物響度繁殖暫住,因此咁就叫做雀鳥天堂。濕地擁有淨化環境嘅作用,所以畀人叫做地球個腎。夾埋森林、海洋就係世界三大生態系統。
日本群馬縣沼澤
印第安中的一塊細嘅濕地
響人口爆炸同經濟發展嘅雙重壓力下,20世紀中後期勁多濕地畀人改成農地,加上過度開發資源開發同埋污染,濕地面積大幅度縮細,住喺濕地嘅物種受到嚴重影響。
為咗保護濕地、濕地裏面嘅豐富物種,1971年2月2日全球多個政府間喺拉姆薩爾呢個地方共同制定保護公約濕地公約。直到2004年10月為止已經有超過141個成員,1387塊濕地列入國際重要濕地名錄,而保育名單亦每年不斷增加。而每年2月2日亦被定為「世界濕地日」。
佛羅里達州一幅濕地
濕地係地球生態環境嘅重要組成部分,同森林、海洋一齊稱為全球三大生態系統。濕地嘅生態作用越嚟越受倒重視。
- 濕地有極大嘅沉積同淨化作用:水入濕地之後,水流慢咗,水裏面嘅各種物質沉積,變為咗濕地植物嘅養份,有毒物質好快分解。
- 濕地物種極之豐富,生物多樣性高,遺傳資源豐富,因此有重要科學研究嘅價值。
- 濕地有好大嘅景觀價值:九寨溝、洞庭湖、鳥島等都係著名嘅濕地風景區,自然風景、動植物可作旅遊之用。
- 濕地中含有大量的水,在水的生態循環中具有重要作用:
- 濕地參與地下水嘅交流,可以容納地下水、調節地表徑流,對防旱同洪澇有重要影響
- 濕地能防止海水入侵,減輕沿海土地的鹽碱化同枯水期海水向內河倒灌
- 濕地可以保護海岸,防止侵蝕。熱帶同亞熱帶嘅紅樹林防止海岸侵蝕同時防風作用
- 濕地嘅水分可製造微氣候。係乾旱地區中,周邊地區比其他地方氣候濕,有利於生態環境
- 濕地有豐富物產資源,高價值:
- 濕地富產魚、蝦、藻類、蓮藕、蘆葦、藥材等,為農業、漁業、畜牧業同副業提供重要嘅自然資源。
- 礦產資源。濕地中嘅泥炭係好嘅燃料;濕地係重要嘅油田分布區域;碱水湖同鹽湖濕地中有各種礦砂同鹽類資源
Info:蜻蜓生態
喺棲息地上,蜻蜓普遍偏好濕地等潮濕嘅環境[1]:蜻蜓若蟲通常係住喺淡水水體裏面嘅,所以啲蜻蜓乸鍾意去呢啲地方生蛋,而既然啲乸會去呢啲地方生蛋,啲公就自然興响水體左近搵地盤霸;而且呢啲地方成日惹到各種細昆蟲聚集-即係話比較多獵物畀蜻蜓捉[1]。因為噉,蜻蜓會食走大量嘅害蟲,廣泛噉畀人類覺得係益蟲[2][3]。
不過對於「邊種水體最有利於若蟲生存」,唔同嘅物種嘅需求可能有啲唔同[4],
- 流動:有啲物種嘅蜻蜓比較偏好流動嘅水體,所以會鍾意河多過池塘,而亦有物種係偏好靜止唔郁嘅水,所以鍾意池塘多過河。
- 暫時水體:有部份物種嘅蜻蜓有特殊結構,能夠抵禦乾旱,興喺啲暫時性質嘅水體度生蛋-「暫時性質嘅水體」指(例如)比較大嘅水氹,呢啲水氹維持唔得耐,過若干時間之後會蒸發消失,但勝在冇乜捕食者存在,啲若蟲可以安心發育。
- 水生植物:「啲水體多唔多植物」都係一個重要考慮因素,包括毛蜻蜓(Brachytron pratense)在內嘅多種蜻蜓物種都鍾意植物茂密嘅水體,貪啲若蟲有得匿埋喺植物裏面避開捕食者;而且有啲蜻蜓物種係定死咗,一定要將蛋生喺某啲水生植物上面嘅。
2009 年响法國影到嘅一隻帝王蜻蜓(Anax imperator)若蟲 | 2009 年响 法國影到嘅一隻 帝王蜻蜓( Anax imperator)若蟲 |
2010 年响愛爾蘭影到嘅一幅相;一隻帝王蜻蜓乸喺度生蛋。 | 2010 年响 愛爾蘭影到嘅一幅相;一隻帝王蜻蜓乸喺度生蛋。 |
|
由於濕地同水域、陸地之間並無明顯邊界,加上唔同學科對濕地嘅研究重點唔同,造成濕地嘅定義一直有分歧。
國際濕地公約 Ramsar Convention 採用廣義濕地定義,就指無論係天然或人工、常久或暫時性嘅沼澤地、濕原、泥炭地或水域地帶,帶有或靜止或流動、或為淡水、半鹹水或鹹水水體,包括低潮時水深唔超過 6 米嘅水域。呢個定義包含狹義濕地嘅區域,有利於將狹義濕地及附近嘅水體、陸地形成一個整體,便於保護同管理。
濕地嘅狹義定義。美國魚類同野生生物保護機構於1979年美國嘅「濕地深水棲息地嘅分類」篇文咁定義為:「陸地同水域嘅交滙處,水位接近或處於地表面,或有淺層積水,至少有一至幾個以下特徵:(1) 至少周期性地以水生植物為植物優勢種;(2) 底層土主要係濕土;(3)每年嘅生長季節,底層有時有水。」定義重講湖同濕地以低水位時水深2米處為界,按呢個濕地定義,世界濕地可以分成二十多個類型。
- 世界上最大嘅濕地係位於巴西中部馬托格羅索州嘅潘塔納爾沼澤地(Pantanal),面積達2500萬公頃。
- 濕地生態學(Wetland Ecology)
- 水體生態學
- 國際濕地公約(拉姆薩爾公約)
- 世界濕地日(每年2月2日)
- 國際鳥盟保護理事會(International Council for Bird Preservation,ICBP)
- 國際水禽濕地調查局(Inter-national waterfowl and wetland re-search bureau)
- 人與生物圈
- 東北亞地區鶴類保護區網絡
- 東亞-澳大利亞涉禽保護網絡
- 雁鴨類遷飛網絡
中國研究機構見中國濕地條目。
- 美國
- 美國國家濕地研究中心(NWRC)
- 佛羅里達州立大學濕地研究中心
- 沼澤
- 泥灘
- 人工濕地
- 城市濕地
- 濕地植被(Wetland Vegetation)
- 濕地生物
- 濕地水鳥
- 紅樹林
- 泥炭
- 濕地園林
- 環境保護
- 生態危機
- 自然保護區
- 濕地公約、2012國際重要濕地名錄、世界濕地日
- 中國濕地
- 米埔自然保護區
Dijkstra, Klaas-Douwe B. (2006). Field Guide to the Dragonflies of Britain and Europe. British Wildlife Publishing. pp. 8-9.
Dijkstra, Klaas-Douwe B. (2006). Field Guide to the Dragonflies of Britain and Europe. British Wildlife Publishing. pp. 13-14.