From Wikipedia, the free encyclopedia
紐埃離最近嘅大陸都好遠,加上人口少兼靠外資援助收入,境內先至得1個國際機場,淨有往返紐西蘭嘅一個禮拜一班航班直達。自從紐西蘭喺2020年1月24號發現第一單武漢肺炎感染個案後,紐埃境內加強咗限制入境,淨畀紐埃政府批准啲人先至畀返嚟。若果喺紐西蘭同紐埃兩者以外啲國家嚟入境紐埃,必須要未喺有感染武漢肺炎啲國家入面住過或接觸過武漢肺炎感染案例先至得。雖然紐埃政府喺2021年3月24號開始恢復返往返紐西蘭嘅零隔離入境政策,但係從同年4月2號開始繼續減少航班到半個月一班飛機直達,要有批准入境嘅介紹信,入境後亦要隔離14日[1][2]。從2021年5月31號開始,入境前若果之前注射過有效嘅新冠疫苗,可以喺紐西蘭境內唔使隔離就有得入境紐埃[3]。同年8月24號重唔畀喺武漢肺炎高風險國家啲旅客入境,淨保留咗紐埃籍居民同有緊急救援同人道主義救援嘅入境道路[4][5]。所以從2020年1月24號開始一直以嚟,紐埃兩年幾未出過任何武漢肺炎感染個案。
2022年3月7號,紐埃確診咗第一單感染武漢肺炎個案,患者出自喺紐西蘭屋崙往返紐埃嘅26人航班入面[6][7]。據了解,患者係歸國嘅紐埃公民,入境前打過兩次疫苗,入境到上機前一直冇發現,直到入境紐埃後先至發現感染武漢肺炎[7][8]。雖然喺跟住嗰半個月內未發現感染武漢肺炎個案,直到同月23號又發現多4單,都係出自同月21號喺紐西蘭屋崙往返紐埃嘅38人航班入面[9],雖然入境期間測試結果係陰性,但係第三日複檢期間發現核酸測試結果係陽性而證實感染武漢肺炎[9]。正因為一次性咁多單感染案例,紐埃政府宣佈國家陷入黃色警報狀態[9],國民出街一定要戴口罩兼保持社交距離,若果發現有懷疑有類似武漢肺炎症狀,請留喺屋企或直接去醫院[9];重有隨時官方健康同政府信息發佈狀況[9]。同月29號又確診多兩單武漢肺炎個案。喺成個三月份,總共夾埋出現7單感染個案。而第一單感染武漢肺炎個案嘅患者喺4月5號好返出院,同日亦有三位武漢肺炎患者亦好返出院;淨低嗰兩位武漢肺炎患者亦喺5日後好返出院。
嚟到同月21、29號,紐埃又再先後夾埋確診多兩單武漢肺炎感染個案。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.