林志炫

林志炫（粵拼：lam4 zi3 jyun4；英文：Terry Lin；1966年7月6號—），係臺灣基隆人、前優客李林成員、臺灣男歌手同音樂製作人。佢入圍過金曲獎7次，入圍金曲獎最佳國語男演唱人5次。1991年，佢同李驥以組合「優客李林」形式出道，先後出過8張中英文專輯，喺臺灣創下年度最佳銷售佳績。1996年優客李林解散後成立炫音音樂有限公司而成為獨立音樂人。林志炫係華語樂壇一次成型錄音第一人。佢分別喺2013年同2017年參加過《我是歌手1》同《歌手2017》。

林志炫
男歌手
羅馬拼音	Lin Chih Hsuan
英文名	Terry Lin
花名	原唱殺手、紙片人、美聲王子、中古歌王[1]、絕世名刃、秒殺原唱-翻唱之王
國籍	中華民國
出世	(1966-07-06) 1966年7月6號（58歲） 臺灣基隆市
職業	歌手、歌唱比賽評審、音樂總監、印刷廠業務經理
語言	國語、台語、英語
教育程度	明新工專土木工程科
音樂類	華語流行音樂
出道地	臺灣基隆市
出道日期	1991年
出道作品	《認錯》
代表作品	《認錯》、《輸了你贏了世界又如何》、《散了吧》、《蒙娜麗莎的眼淚》、《單身情歌》、《離人》、《進退兩難》、《沒離開過》、《She's Gone》、《浮誇》
活躍年代	1991年－
唱片公司	炫音音樂
網站	林志炫嘅官方網站
相關團體	優客李林（已解散）

簡歷

林志炫喺佢屋企係大佬，對落有個細佬^[2] 同個妹^[3]，佢同李驥喺學生時代喺明新工專就係好朋友，曾同任一年級宿舍副舍長一職，1991年佢同李驥組成二人音樂組合「優客李林」，出嘅第一份專輯《認錯》而喺港臺出名，之後出咗四鉼國語專輯、兩鉼英文專輯同鉼精選輯，喺1996年解散。樂隊解散後去咗發電廠做嘢，因為遇上冧山泥而好彩走甩，不過啲同事就死曬，之後到阿爸嘅印刷廠返工^[4]。

之後暫別歌壇，睇住阿爸嘅印刷廠同嗰時病重嘅阿媽，阿媽過身之後，用《離人》首歌嚟紀念^[5][6]，離開印刷廠，重返歌壇九個月之後，印刷廠火燭，要重建。更專注唱歌，1995年出咗第一張個人專輯《一個人的樣子》，講出處理印刷廠嘅日事。之後加盟新力音樂（今日嘅臺灣索尼音樂娛樂）重出咗三張個人專輯同一張精選輯。

1997年成立炫音音樂製作公司^[7]，2001年尾嘅專輯由炫音音樂製作、發行。2001年至今發行咗四張個人專輯。

林志炫講，其實佢嘅視力冇問題，根本唔使眼鏡，戴眼鏡凈為咗修飾塊面嘅輪廓。但後嚟發現戴同唔戴眼鏡嘅樣差好遠，而平時唔戴，反而多咗啲私人時間^[8]。2013年2月，加盟湖南衛視《我是歌手》第一季、為第二位補位歌手，喺4月12號嘅總決賽攞亞軍。2016年，參加浙江衛視大型懸疑音樂推理節目《誰是大歌神》，做第六期嘅「大歌神」。2017年2月，加盟湖南衛視《歌手2017》、為第二位逆戰歌手，之後喺突圍賽演唱《你在最近的天邊》以第三名突圍成功，喺4月15號決賽攞第五名。

音樂作品

優客李林時期

睇埋：優客李林

專輯名	發行日期	發行公司	備註
認錯	1991年10月	點將唱片	呢張專輯襲捲台、港、新馬同大陸等華語世界，成為年度國內銷售最佳專輯之一。
黃絲帶	1992年7月	點將唱片	呢張專輯獲得知名音樂製作人David Foster嘅首肯，係優客李林跨刀製作，係為國語流行音樂界年度最熱門嘅話題。
少年遊	1993年5月	點將唱片
Ocean Deep	1993年10月	點將唱片	英文專輯
捍衛愛情	1993年	點將唱片	衛視Channel V首播『捍衛愛情』三部曲MTV。
Perhaps Love	1995年3月	點將唱片	英文專輯
昨日‧今日‧永遠	1995年8月18號	點將唱片	精選輯
未完成的優客李林	1997年4月	點將唱片	精選輯
優客年代	2002年10月1號	EMI	精選輯

個人時期

錄音室專輯

專輯名	發行日期	發行公司	備註
一個人的樣子	1995年12月	點將唱片	翻唱專輯，林志炫暫別歌壇專輯。
散了吧	1997年4月	新力音樂
蒙娜麗莎的眼淚	1998年3月	新力音樂
TRUE LIVE	1998年12月	新力音樂
擦聲而過	2001年4月	炫音音樂	翻唱專輯，歌曲《離人》（原唱張學友）後來成為代表作品。
時間的味道	2002年10月	炫音音樂
熟情歌	2005年4月	炫音音樂	雙CD。
原聲之旅	2005年12月30號	炫音音樂	佢專輯曲目全係詹兆源作品，包含優客李林時期舊作同新作。

精選集

專輯名	發行日期	發行公司	備註
單身情歌	1999年12月	新力音樂	2CD
絕對收藏：林志炫	2008年7月	新力博德曼	2CD，首張橫跨點將、新力、炫音三大廠牌精選
最愛美聲 影音典藏精選	2013年4月2號	台灣索尼音樂娛樂	2CD+DVD

現場演唱專輯

專輯名	發行日期	發行公司	備註
至情志炫	2004年	炫音音樂	現場演唱專輯、雙CD。
擦聲而過2	2008年12月7號	炫音音樂	現場演唱專輯、翻唱專輯。附贈2004年上海演唱會DVD。收錄喺2008年個人演唱會中演唱嘅多首歌曲。同將絲蓮·迪安嘅歌曲《I Surrender》翻唱成中文歌曲《沒離開過》，同埋翻唱搖滾樂隊Steelheart嘅歌曲《She's Gone》中英文版。呢張作品林志炫嚐試過去鮮少有嘅搖滾歌曲，同埋翻唱多首中、英文歌曲，算係林志炫個人嘅突破。
One Take	2010年12月30號	炫音音樂	顧名思義，錄音過程冇剪接

其他作品（單曲）

專輯、歌曲名	發行日期	發行公司	備註
愛你沒商量	1991年		優客李林時期、連續劇主題曲。
出嫁	1992年12月	點將唱片	優客李林、張清芳演唱。
有夢有朋友	1994年10月	點將唱片	優客李林、伍思凱演唱。
追尋－倫敦星空下	1996年8月	新力音樂	同倫敦交響樂團合作，演唱《追尋》、《認錯》。
台灣的心跳聲	1997年10月	民視	演唱《玉山之歌》。
你是愛情的原因	2000年	新力音樂	同陳明合唱，收錄喺陳明2000年專輯《幸福》中。
愛上你不如愛上海	2009年	華研國際音樂	同動力火車合唱，原曲係空中補給作品《GoodBye》。收錄喺動力火車2009年專輯《繼續轉動》中。
禦龍銘千古	2013年	The one studio	同騰訊遊戲第一戰國網遊《禦龍·銘千古》合作，量身訂做嘅全新單曲。

得獎紀錄

時間	名	獎項	作品
1998年3月	98樂壇我最愛頒獎典禮	我最愛男歌手（華語區）	《蒙娜麗莎的眼淚》
1998年3月	98樂壇我最愛頒獎典禮	專業推介最高播放率歌手	《蒙娜麗莎的眼淚》
1998年3月	98樂壇我最愛頒獎典禮	我最愛歌迷見面會（銀獎）	《蒙娜麗莎的眼淚》
2013年10月7號	第10屆華鼎獎	中國最佳男歌唱演員
2013年12月	第8屆港澳台慈善愛心獎	社會奉獻獎

大事記

優客李林時期

睇埋：優客李林

1991年

• 加盟點將唱片
• 發行首張專輯《認錯》，獲頒香港無綫電視十大勁歌金曲之「最受歡迎國語歌曲」銅獎。
• 以《認錯》獲香港新城電台頒發之首屆『勁爆家族最受歡迎國語歌曲獎』。
• 獲香港電台頒發之第15屆「十大中文金曲」新人獎「最佳組合」金獎。
• 獲香港商業電台頒發之叱咤樂壇流行榜「過江龍」銀獎。

1992年

• 發行國語專輯《黃絲帶》，係年度銷售最佳國語專輯之一。

1993年

• 發行國語專輯《少年遊》同英文專輯《Ocean Deep》。
• 7月獲得新加坡首屆「醉心金曲獎」最佳組合獎。

1994年

• 1月22、23同26號喺台北國父紀念館同台中中山堂同張清芳、伍思凱、蔡琴合辦「五星點將」演唱會。
• 7月發行國語專輯《捍衛愛情》，入圍第6屆金曲獎最佳演唱組獎。
• 8月27號喺花蓮縣立文化中心舉行首場個人演唱會。

1995年

• 6月24號擔任「張清芳十年串起每一刻」喺新加坡舉行演唱會的特別嘉賓。
• 發行英文專輯《Perhaps Love》、精選輯『昨日·今日·永遠』。

個人時期

1995年

• 12月發行林志炫暫別歌壇專輯《一個人的樣子》。

1996年

• 3月林志炫以國語專輯《一個人的樣子》入圍金曲獎最佳男演唱人獎。
• 8月發行同英國倫敦交響樂團合作嘅《追尋·倫敦星空下》專輯，入圍第7屆金曲獎最佳男歌手。

1997年

• 4月15號出版林志炫復出歌壇首張個人專輯《散了吧》。

1998年

• 3月3號發行國語專輯《蒙娜麗莎的眼淚》。
• 3月21、22同28號，分別喺北、中、南舉行林志炫首次個人小型演唱會。
• 12月發行國語專輯《TRUE LIVE》。

1999年

• 1月3同8號分別喺高雄、台北舉行林志炫第2次個人小型演唱會。
• 發行國語新歌精選輯《單身情歌》，以《單身情歌》一曲於大陸走紅。
• 3月以國語專輯《蒙娜麗莎的眼淚》入圍金曲獎最佳男演唱人獎。

2001年

• 發行國語專輯《擦聲而過》，翻唱多首經典歌曲。

2002年

• 發行國語專輯《時間的味道》，入圍第14屆金曲獎最佳男歌手獎。

2004年

• 發行現場演唱專輯《至情志炫》，入圍第16屆金曲獎最佳男歌手獎。

2005年

• 發行國語專輯《熟情歌》，入圍第17屆金曲獎最佳男歌手獎。
• 12月30號發行國語專輯《原聲之旅》，同詹兆源搭檔同重唱多首老歌。

2006年

• 同李驥再度搭檔，舉辦「再見·優客李林」演唱會，巡迴兩岸各大城市。

2008年

• 為解決困擾已久嘅鼻竇炎而做手術^[9]
• 8月舉辦個人巡迴演唱會，喺台北同台中開唱，同邀請歌手黃靖倫擔任演唱會嘉賓。
• 12月發行專輯《擦聲而過2》，翻唱多首歌曲。

2009年

• 同動力火車合作，共同翻唱Air Supply嘅名曲之一〈Goodbye〉，中文歌名係《愛上你不如愛上海》。
• 6月，專輯《擦聲而過2》於北京發表。

2010年

• 同公視合作，喺11月舉辦小型電視演唱會同埋現場同步錄音錄影，喺12月發布專輯《One Take》。

2013年

• 2月，加盟湖南衛視《我是歌手》第一季、為第2位補位歌手，喺4月12號嘅總決賽獲得亞軍。
• 8月，開始ONE take個人巡迴演唱會，首站地點喺上海。

《我是歌手》第一季

2013年2月，加盟湖南衛視《我是歌手》第一季、為第二位補位歌手，喺4月12號總決賽攞亞軍。

我是歌手第一季 林志炫競演排名
期數	輪數	播出日期	演唱歌曲	原唱	歌曲介紹	排名	得票率	出場序	備註
5	第三輪排位賽	2月15號	《沒離開過》	林志炫	詞：樓南蔚 曲：Sam Watters 編曲：Keith Stuart	1	21.86%	1	個人最高排名 第一位創下首位演唱並奪單場第一名紀錄
6	第三輪淘汰賽	2月22號	《煙花易冷》	周杰倫	詞：方文山 曲：周杰倫 編曲：梁翹柏、阮德軍	3	14.62%	5	個人最低排名同得票率 兩場總成績第2名
7	第四輪排位賽	3月1號	《Opera》	Vitas	曲：Vitas 編曲：梁翹柏、屠　穎、韓賢光	2	18.14%	5	—
8	第四輪淘汰賽	3月8號	《你的眼神》	蔡　琴	詞／曲：蘇　來 編曲：梁翹柏	1	27.25%	7	個人最高排名 兩場總成績第2名
9	第五輪排位賽	3月15號	《Making Love Out Of Nothing At All》	Air Supply	詞／曲：Jim Steinman 編曲：梁翹柏、劉敏宏	1	27.15%	2	個人最高排名
10	第五輪淘汰賽	3月22號	《夜夜夜夜》	齊　秦	詞／曲：熊天平 編曲：梁翹柏、薛位山	3	19.57%	1	個人最低排名 兩場總成績第1名 晉級半決賽
11	復活賽	3月29號	在線歌手進入半決賽
12	半決賽	4月5號	編曲：梁翹柏、薛位山			2	17.44%	4	—
			《斷了線》	柯以敏	詞：鮑比達 曲：樓南蔚
			《回家》	順　子	詞：順　子、Jeff C 曲：順　子
13	總決賽第一輪	4月12號	《Easy Lover》	Phil Collins Philip Bailey	詞／曲：Philip Bailey、Phil Collins、Nathan East 編曲：梁翹柏、Phil Collins	2	15.60%	6	幫唱嘉賓：蕭敬騰
	總決賽第二輪		《浮誇》	林志炫	詞：樓南蔚 曲：C.Y.Kong 編曲：薛位山	1	36.47%	6	總成績第2名（22.59%） 個人最高排名同得票率
雙年巔峰會		4月11號	編曲：薛位山、陳依婷、Cosine			—		2	—
			《瞬間永恆》	林志炫	詞：樓南蔚 曲：李王若涵
			《I Can Wait Forever》	Air Supply	詞／曲：Graham Russell、David Foster、Jay Graydon

《歌手2017》

2017年2月，加盟湖南衛視《歌手2017》、為第二位逆戰歌手，之後喺突圍賽演唱《你在最近的天邊》以第三名突圍成功，喺4月15號決賽攞第五名。

歌手2017 林志炫競演排名
期數	輪數	播出日期	演唱歌曲	原唱	排名	得票率	得票數	出場序	備註
5	第三輪補位賽	2月18號	《你永遠不知道》	林志炫	4	11.21%	161	8	—
6	第三輪淘汰賽	2月25號	《Writing's on the Wall》	Sam Smith	4	14.11%	208	3	第三輪兩場總成績第4名 抽樣觀眾投票第5名
7	第四輪排位賽	3月4號	《御龍銘千古》	林志炫	5	13.11%	166	3	—
8	第四輪淘汰賽	3月11號	《卷珠簾》	霍尊	1	22.47%	335	7	第四輪兩場總成績第2名 個人最高排名、得票率同得票數 樂手投票第3名
			《Scarborough Fair》	佚名
9	第五輪補位賽	3月18號	《Feeling Good》	Cy Grant	1	15.86%	224	5	個人最高排名 歌手互投第2名
10	第五輪淘汰賽	3月25號	《裂心》	王力宏	7	8.92%	118	1	第五輪兩場總成績第5名 個人最低排名、得票率同得票數
			《Heaven Knows》	Rick Price
11	突圍賽	4月1號	《你在最近的天邊》	Bruno Pelletier	3	12.37%	247	9	突圍成功
12	半決賽	4月8號	《Somebody to Love》	Queen	3	12.09%	160	10	晉級決賽
13	決賽	4月15號	《The Prayer》	Celine Dion、Andrea Bocelli	5	9.48%	132	6	總成績第5名（10.78%） 幫唱嘉賓：Hayley Westenra
14	2017巔峰會	4月22號	《離人》	張學友	—			3	—

演唱風格

林志炫嗓音屬於細膩、高亢嘅類型，尤其係以真假，甚至雌雄難分嘅真假音轉音順暢著稱（佢自己稱做「雞尾酒唱法」）^[10]。據佢自己喺節目上討論過，佢嘅音域（真聲加假聲）最少超過24度。近年嘅專輯錄音講求嚴謹，以高傳真音響伴奏同錄音原聲伴奏做標準。捨棄目前常見嘅數碼錄音，採用較原始類比錄音^[11]。例如佢2005年12月發行嘅專輯「原聲之旅」即成為好多華人圈發燒友推薦片。因為喺專輯中佢首次嘗試搖滾樂同藍調嘅唱法，因此表現唔差過歐美發燒片。喺咬字能著重轉換歌唱方式之處，都重視出音穩定性同伴奏樂器嘅適當比例。

電影

2013年

• 聽見下雨的聲音 飾 文化節嘉賓

公益活動

林志炫長年擔任台灣癌癥希望基金會嘅董事，落力幫助癌癥病友，同埋為癌癥希望基金會演唱會歌《我希望》。癌癥希望基金會每年舉辦嘅「癌癥關懷音樂會」都睇得到佢為癌癥病友演唱。

2013年，林志炫因長期為癌癥病友做公益，獲頒第8屆港澳台慈善愛心獎。

參考

1. 〈林志炫 磨刀歌喉等到你〉。原著喺2013年5月18號歸檔。喺2017年2月21號搵到。
2. YouTube上面嘅嘅影片
3. YouTube上面嘅嘅影片
4. YouTube上面嘅嘅影片
5. 民歌小站，《林志炫連22年前的流星都還記得》 互聯網檔案館嘅歸檔，歸檔日期2009年8月3號，.， 2007年02月19號出。（中文）
6. 〈林志炫曾貸款錄唱片 有愛人有好歌很滿足〉。原著喺2015年9月24號歸檔。喺2017年2月21號搵到。
7. "炫音音樂，藝人介紹－林志炫（中文）". 原著喺2008年7月23號歸檔. 喺2017年2月21號搵到.
8. 湖南衛視娛樂無極限-我是歌手獨家專訪周之林志炫專訪-20130412
9. 鼻竇炎術後 情歌王子林志炫八月辦演唱 互聯網檔案館嘅歸檔，歸檔日期2009年7月28號，. 2008年05月28日發表。（中文）
10. 明日之星 林志炫老師歌唱教學完整版 你把我灌醉
11. 林志炫三年磨一新碟《熟情歌》不再唱單身 互聯網檔案館嘅歸檔，歸檔日期2016年3月4號，. 2005年05月18日發表。（中文）

出面網頁

• 林志炫嘅新浪微博
• 林志炫嘅新浪博客頁面
• 炫音音樂官方網站
• 林志炫官方臉書粉絲頁 Terry Lin's official facebook fan page.
• 炫音音樂官方YouTube頻道