書面語

書面語，亦叫書面文，係人喺用嚟寫嘢同埋睇（閱讀）嘅文字。基於口講嘅說話發展出來，係有字之後跟住出現。

並唔係所有民族都有書面語，因此亦只係得識字嘅人先識書面語。

特色

書面語基於口語，慢慢發展成唔似口語嘅、自成一格嘅語言，有自己一套邏輯，叫文法。書面語係需要學嘅。書面語亦會反過嚟影響返口語。

口語需要會講嘅人，如果會講嘅人死晒，呢種口語就冇咗。即使，識某種書面語嘅人死晒，嗰種書面語可以繼續存在，好似埃及嘅象形文字。

書面語唔使靠人把口，可以通過其他途徑傳開，傳播速度同範圍比口語快同遠。

因為書面語係人喺文本上面交流所用嘅語言，相對於口語，有佢嘅內在嘅穩定性。呢樣體現喺空間同時間兩個跨度上面：

• 喺空間跨度上，就算各地方言迥異，口語好唔同，甚至可能係用唔同嘅語言，但都重可以用一樣嘅書面語（比如講古代中國文言喺南、北方嘅使用以及對日、韓等東亞國家嘅影響）。
• 喺時間跨度上，就算口語會以幾十或上百年為週期做大嘅演變，但係書面語喺呢段期間變化好細。相對嚟講，書面語比口語變得慢。

書面語唔單止可以記錄歷史上面語言嘅變化，重隨住文字嘅傳播，會將一種語言向其他語言地區擴散，等其他語言範圍裏面受教育嘅人俾另外一種書面語影響，而將呢種書面語嘅成分帶入口語，影響當地口語嘅變化，等各種唔同語言加快互相融合嘅速度同範圍。

喺中國嘅定義

喺中國嚟講，書面語就係基於官話口語嘅白話文（官話白話文（中文：官話白話文））。喺新文化運動（中文：新文化运动）之後取代由春秋戰國時期用到1910年代嘅文言文^[1]。

攷

1. Jacob., Mey, (1998). Concise encyclopedia of pragmatics. Amsterdam: Elsevier. The centuries-old three-way opposition between classical written Chinese, vernacular written Chinese, and vernacular spoken Chinese represents an instance of diglossia. ISBN 0080429920. OCLC 39508217.{{cite book}}: CS1 maint: extra punctuation (link)