普通法系

普通法系（英文：Common Law），又叫做英美法系或者海洋法系^[1]，同民法法系並稱為當今世界最主要嘅兩大法系。特點就係判例法，即係反覆參考判決先例（Precedent），最終產生類似道德觀念一樣嘅普遍、約定俗成嘅法律（Customary rules）。「Common」翻譯做「普通」，取佢「普遍通行」嘅意思。

基本嘅特點

• 判例法做淵源：普通法度嘅唔存在法典形式，淵源係由各判例去到提供返，即係由裁判官嘅裁定形成嘅一系列法例原則同規例，對原法院同其他普通法嘅法院審訊都有約束力。判例法嘅基礎兼核心，係遵循前例嘅原則（或先例規則、先例主義同「判例拘束力」原理）。呢個原則係喺19世紀時候嚴格確立咗。
• 普通法&衡平法嘅實踐：喺嚴格尊重普通法法例嘅同時，會照著衡平法去考慮返良心嘅需要仲有道德戒律嘅要求，以便對普通法進行補充。衡平法通常只由大法官施行。而兩種法體嘅訴訟程序唔同，普通法係會嚴格兼複雜過衡平法，衡平法主要實行書面審理，而唔會實行陪審制度。衡平法嘅救濟辦法多過普通法、或更大程度係由法官嘅自由裁量權所提供嘅。通常普通法度包括咗刑法、契約法同民事侵權行為法（民事責任法），而衡平法就包括咗不動產法、信託財產法、合伙法（商業公司法）、破產法仲有遺囑解釋同埋遺產清理嘅問題^[2]。

同大陸法嘅比較

相比起以成文法典（Codification）為依據嘅民法法系，普通法系多數採用不成文法，尤其係判例法，強調「遵循先例原則」（拉丁文：Stare decisis，英文：The doctrine of Precedent）；喺審判時採取當事人進行主義同陪審團制度，亦比較重視司法程序，即救濟先於權利（Remedies preceeds rights）。喺呢種情況下，法律制度同法學理論嘅發展，往往係靠司法實務人員（尤其係高等法院法官）嘅推動，即係法官實質上透過做出判決，起到咗立法嘅效果。

普通法系嘅立法精神係：除非因為客觀環境，或者解決爭議嘅需要，必須以成文法制定某一項目嘅法例，否則就祗需根據當地過去關於呢項嘅習慣，來評定誰是誰非。普通法係判例嘅法，而唔係制定嘅法，係法官喺地方習慣法嘅基礎上，歸納總結而形成嘅一套適用於成個社會嘅法律體系。

英國同美國都係普通法系嘅主要代表國家，但兩國之間嘅法律亦有唔少差異。

註同參考

1. 喺《中文主題詞法》2005年版正式主題詞用「英美法系」亦稱普通法系（頁198），唔用「海洋法系」。
2. 第十四章 法的历史类型 自《法理学》（高等院校法学本科应用型教材）甘肃政法学院法学院院长魏清沂主编、北京大学出版社出版，2011年8月版