普世聖公宗
From Wikipedia, the free encyclopedia
普世聖公宗(英文:Anglican Communion)嘅誕生係由於英國聖公會喺世界各地建立教會所造成。從歷史嘅角度嚟講,普世聖公宗嘅發展有兩個階段。
宗教系列 基督宗教 | |
基督教史 基督教發展時序 耶穌基督 耶穌十二門徒 大公會議 大分裂 十字軍東征 宗教改革與更正教 中國基督教 中國基督教史 | |
三位一體 聖父 聖子 (神學) 聖靈 | |
基督教神學 基督教會 禮拜 聖恩 · 救贖 登山寶訓 十誡 | |
聖經 舊約 新約 正典 次經 偽經 和合本修訂版 | |
基督教派 天主敎 東正教 聖公宗 新教 東方正統教會 東方亞述教會 基督教運動 |
聖公宗係一個世界大家庭,有一億一千萬教友,分佈喺39個教省,係第三大基督信仰宗派。裏面有160個國家同地區嘅聖公會教友。佢哋講唔同嘅語言,嚟自唔同種族同文化。
普世聖公宗唔似羅馬天主教,並唔係一個統一嘅教會體制,係一個「教會團契」,所有聖公宗嘅教會地位平等,英國國教會(The Church of England,英格蘭聖公會)亦唔做總會嘅角色,因此體現出「自主嘅共融」(Autonomy-in-Communion)嘅原則。
每一個地區嘅聖公會教會都係自立嘅,但佢哋係透過歷史、神學、崇拜同普世聖公宗精神領袖坎特伯里大主教嘅關係,建立一個獨特嘅聯合教會,叫做普世聖公宗(Anglican Communion)。自1867年開始,普世聖公宗平均每十年開一次全球聖公宗大會,名叫蘭柏會議。自1978年開始,改喺肯特郡大學嘅坎特伯里校園裏面舉行,就主教佢哋嘅起居同祈禱生活[1]。