春卷

春卷係用薄麵皮，捲住啲餡，經油炸嘅中國點心。各地嘅餡同大細都唔同，但基本係扁圓筒狀。南方多用菜加肉做餡，北方多用紅豆做餡，偶然都會用到菜，但極少用到肉。

春卷

春卷嘅原形係中國北方立春食嘅春餅，本身係將餡夾落餅皮度食，後尾演化出整成卷狀攞去炸，就變成春卷，亦唔再限住立春先至有得食。

中國嘅春卷一般好細條，直徑20厘米嘅碟可以裝十幾條。美國華人食店做嘅春卷有肉餡，大大碌，一條春卷可以當一餐飯，好似漢堡咁。春卷亦都係滿漢全席中第二席中嘅一味餸。