墨爾本（英文：Melbourne），嗰度啲唐人通常叫墨爾砵、墨爾缽、墨城，舊陣時叫美利濱、新金山，係澳洲維多利亞州嘅首府，亦係全國第二大城市，人口估計約4,900,000（2018年資料）。墨爾本係澳洲多元民族文化嘅中心，有好多嘅移民。
| 墨爾本 Melbourne | |||
|---|---|---|---|
 | |||
| |||
| 綽號：Melbs | |||
| File:Melbourne locator-MJC.png、Australia Melbourne Inner Locator.PNG | |||
| 國家 |  澳洲 | ||
| 建立 | 1835年8月30號 | ||
| 面積 | |||
| • 總計 | 9,993 平方公里（3,858 平方英里） | ||
| 人口（2022年6月30號）[1] | |||
| • 總計 | 5,031,195 | ||
| • 密度 | 500/平方公里（1,300/平方英里） | ||
| 郵政號碼 | 3000–3207 | ||
| 電話字頭 | 0370、0371、0372、0374、0376、0377、0378、0379、0383、0385、0386、0390、0391、0392、0393、0394、0395、0396、0398、0399 | ||
| 網站 | www | ||
 墨爾本嘅地圖 | |||
墨爾本被叫做「澳洲嘅文化首都」[2]，亦係全國嘅文化、商業、教育、娛樂、餐飲、同埋旅遊中心[3]。墨爾本喺服飾、藝術、音樂、電視製作、電影同埋舞蹈等潮流文化領域引領澳洲。
墨爾本唔單止係澳洲嘅文化首都，同時亦係體育中心。墨爾本曾經開過1956年夏季奧運會，係南半球第一個開奧運會嘅城市。2006年英聯邦運動會，2007年世界游泳錦標賽亦都係喺墨爾本舉行。呢個城市集中咗幾乎澳州所有主要嘅運動賽事．包括賽馬（墨爾本盃）、網球（澳洲公開賽同戴維斯盃）、澳式欖球總決賽、F1賽車（澳洲一級方程式格蘭被治）。
歷史
墨爾本本來叫「Bearbrass」，1835年開埠[9]。1837年，改叫墨爾本嚟紀念英國首相第二代墨爾本子爵威廉·蘭姆[9]。
1840年全城有1萬人，最早嘅移民嚟自英國嘅自由民。1847年維多利亞女皇封墨爾本為城市，跟住好快變咗做維多利亞州首府。1850年，墨爾本周圍搵到金礦，吸引咗好多新移民，包括英國、愛爾蘭、德國、意大利、荷蘭同埋中國等，墨爾本所以亦叫做新金山。
1901年，澳洲聯邦開始冇幾耐嘅時候，墨爾本已經係全國嘅金融同文化中心，聯邦議會設喺墨爾本國會大廈，但係嗰陣新南威爾斯州嘅首府雪梨人口已經超過墨爾本，工商業嘅發展亦勁過墨爾本，所以兩個城市都爭做聯邦首都。為咗平衡雙城嘅爭鬥，最後澳洲喺1908年決定將首都設喺兩城之間嘅坎培拉。1927年，澳洲國會由墨爾本搬到去坎培拉[10]。
天氣
墨爾本全年受到南太平洋暖流影響，氣溫變化比較暖。但同一時間受到印度洋冷風嘅影響，墨爾本日溫差大（超過10°C）嘅天氣狀況都經常發生。冬天（雨季）短，成日落雨，唔乜落雪；夏天（旱季）長而且熱，比較乾。
最凍嘅係7月，平均氣溫10.5℃；最熱嘅係1月，平均氣溫21℃。
臭氧層空洞嘅問題令到墨爾本夏天嘅陽光容易引起皮膚癌。市民喺出街嗰陣都會搽太陽油去防紫外線。
| 墨爾本氣候平均數據 | |||||||||||||
|---|---|---|---|---|---|---|---|---|---|---|---|---|---|
| 月份 | 1月 | 2月 | 3月 | 4月 | 5月 | 6月 | 7月 | 8月 | 9月 | 10月 | 11月 | 12月 | 全年 |
| 歷史最高温 °C（°F） | 45.6 (114.1) |
46.4 (115.5) |
41.7 (107.1) |
34.9 (94.8) |
28.7 (83.7) |
22.4 (72.3) |
23.1 (73.6) |
26.5 (79.7) |
31.4 (88.5) |
36.9 (98.4) |
40.9 (105.6) |
43.7 (110.7) |
46.4 (115.5) |
| 平均高温 °C（°F） | 25.9 (78.6) |
25.8 (78.4) |
23.9 (75) |
20.3 (68.5) |
16.7 (62.1) |
14.1 (57.4) |
13.5 (56.3) |
15.0 (59) |
17.2 (63) |
19.7 (67.5) |
22.0 (71.6) |
24.2 (75.6) |
19.9 (67.8) |
| 平均低温 °C（°F） | 14.3 (57.7) |
14.6 (58.3) |
13.2 (55.8) |
10.8 (51.4) |
8.6 (47.5) |
6.9 (44.4) |
6.0 (42.8) |
6.7 (44.1) |
8.0 (46.4) |
9.5 (49.1) |
11.2 (52.2) |
12.9 (55.2) |
10.2 (50.4) |
| 歷史最低温 °C（°F） | 5.5 (41.9) |
4.5 (40.1) |
2.8 (37) |
1.5 (34.7) |
−1.1 (30) |
−2.2 (28) |
−2.8 (27) |
−2.1 (28.2) |
−0.5 (31.1) |
0.1 (32.2) |
2.5 (36.5) |
4.4 (39.9) |
−2.8 (27) |
| 平均降雨量 mm（英寸） | 47.6 (1.874) |
48.0 (1.89) |
50.3 (1.98) |
57.4 (2.26) |
55.8 (2.197) |
49.0 (1.929) |
47.5 (1.87) |
50.0 (1.969) |
58.1 (2.287) |
66.4 (2.614) |
60.4 (2.378) |
59.5 (2.343) |
650.0 (25.591) |
| 平均降雨日數 | 8.4 | 7.5 | 9.4 | 11.8 | 14.6 | 15.4 | 16.1 | 16.1 | 14.9 | 14.2 | 11.8 | 10.4 | 150.6 |
| 每月平均日照時數 | 279.0 | 234.9 | 210.8 | 168.0 | 120.9 | 108.0 | 114.7 | 145.7 | 171.0 | 195.3 | 210.0 | 232.5 | 2,190.8 |
| 出處：[11] | |||||||||||||
政區
大墨爾本地區有31個地方政府區域。大墨爾本地區嘅範圍包括墨爾本中央商務區附近嘅地區，而呢31個地方政府區域亦包括咗三個「郡」。
經濟
墨爾本係全澳經濟同埋商業中心城市之一。好多澳洲大型公司嘅總部設喺墨爾本中央商務區，包括澳洲四大銀行當中嘅澳紐銀行，澳洲國民銀行；全球礦業大企業力拓集團同埋必和必拓；Medibank私人保險，電信行業大企業Telstra，零售業大企業Coles超級市場，百貨行業大企業邁爾；汽車業大企業霍頓；電子零售業大企業JB HI-FI等。亦有好多跨國公司嘅澳洲總部設喺墨爾本，包括平治、BMW、東芝、惠普、松下、西門子、博世、佳能、尼康、摩托羅拉、萬事得、豐田汽車、本田汽車、日產汽車、福特汽車、三菱汽車、三菱重工、7-Eleven、安聯、野村證券、德勤會計師事務所、畢馬威會計師事務所、ING集團、摩根大通、KFC等。
2012年4月，墨城嘅失業率係5.2%。[12]根據《經濟學人》喺2012年嘅統計，墨爾本係世界上生活成本第8貴嘅城市。[13]而墨城嘅樓價自1990年代開始亦每年上升，20年間升咗400%。
當地政府亦會保住當地人優先就業，而喺墨爾本，人工時薪平均25蚊左右，最低工資為18蚊[14]。
墨爾本亦係全球生物科技嘅中心城市之一同埋全澳嘅科技中心，澳洲嘅大多數生命科學、電子、高科技、能源企業總部都位於墨城東南部嘅莫納什大學周邊地區；呢度有幾個莫納什大學同埋墨爾本大學嘅大型實驗室，所以俾人叫做「澳洲矽谷」。
文化
墨爾本被公認為澳洲文化嘅靈魂城市，市民有文化涵養。無論喺建築、多元文化、飲食、文學、體育、藝術同埋時尚方面都引領澳洲。好多出名嘅文化同埋藝術活動亦會每年喺墨爾本舉行。
建築
墨爾本市有好多嘅維多利亞式建築。一啲近代嘅哥德式建築亦成為當代建築嘅典範。有小意大利之稱嘅來貢街有意大利風格嘅建築。海德堡等德國裔區域亦有唔同嘅德式風格建築。
墨城嘅城中心亦擁有眾多地標建築，包括
- 「旋舞嘅裙子」維多利亞藝術中心
- 現代維多利亞式建築嘅典範墨爾本演奏中心
- 現代建築麗奧圖大廈雙塔
- 維多利亞國立美術館（NGV）寬闊嘅水幕牆。
- 維多利亞州立圖書館
- 墨爾本市政廳
- 皇家展覽館
- 弗林德斯街火車站[15]
墨爾本亦係南半球嘅「教堂之城」，有出名嘅衛斯理堂、聖保羅座堂、蘇格蘭教堂、聖巴特利爵主教座堂同埋聖米迦勒聯合教會等。
多元文化
同澳洲其它城市一樣，墨城嘅居民以盎格魯同埋撒克遜血統嘅英國同埋愛爾蘭移民後裔為最多。另有大量嚟自歐洲大陸嘅移民，包括德國、意大利、希臘、荷蘭、法國、俄羅斯同埋東歐。亞洲移民主要嚟自中東、日本、韓國、印度、中國大陸、台灣、香港、馬來西亞、印尼同埋越南爲主。
華人同埋亞裔文化
墨城中央嘅中國城有好多十九世紀嚟澳嘅華人後裔。1990年代，華人社區喺郊區崛起，華埠喺墨爾本亦有衰敗嘅跡象。城市遠郊嘅博士山（Box Hill）、唐卡斯特（Doncaster）、威福利谷（Glen Waverley）、威藍町（Williams Landing）、庫克角（Point Cook）等以華人為主嘅區域先後成為嘅華人商業中心，2000年代，越嚟越多嘅中國留學生同埋新移民湧入墨爾本。
藝術同埋時尚
墨爾本係澳洲嘅藝術同埋時尚之都。[16]位於墨爾本中央商業區嘅科林斯街係全澳最出名嘅商業街同埋奢侈品購物集中地，有世界名牌衫褲、珠寶、手錶嘅旗艦店。
音樂
墨爾本係澳洲音樂產業最為繁榮嘅城市之一，出咗好多叻嘅流行音樂團體，好似Kylie Minogue等。墨爾本嘅中央商務區亦係全澳街頭藝人自由表演嘅大型舞臺，每日都有藝術家喺墨城嘅市中心搞公開表演。
墨爾本交響樂團係澳洲歷史最耐嘅城市交響樂團。
墨爾本每年亦會舉辦好多音樂活動，如：墨爾本國際爵士音樂節（Melbourne International Jazz Festival），聲浪音樂節 (SoundWave)，聖傑洛米巷道音樂節 (St. Jerome’s Laneway Festival)，Stereosonic音樂節同埋未來音樂節 (Future Music Festival)等。
教育
墨爾本市係全澳嘅教育中心之一。主要大學有：
傳媒
墨爾本係全澳嘅新聞中心城市之一，新聞集團嘅梅鐸家族亦喺墨爾本發跡。發行量最大嘅兩份報紙係1840年創刊嘅《太陽先驅報》同埋1854年開始發行嘅《時代報》。呢兩份報紙都喺澳洲全國有影響，喺其他州同埋地區亦有小量發行。
.jpg)
體育
墨爾本市係世界上最重要嘅體育中心城市之一，1956年曾搞過澳洲第一次嘅奧運會。2006年，墨爾本搞英聯邦運動會。2007年，世界游泳錦標賽。
國際男子職業網球總會四大滿貫之一嘅澳洲網球公開賽每年一月喺墨爾本公園舉行。
國際汽車聯合會嘅一級方程式喺每年賽事嘅第一站嘅澳洲大獎賽都喺墨爾本嘅亞伯公園賽道舉行。
墨爾本亦係澳式足球嘅發源地，大墨爾本地區有好多嘅AFL大聯盟球隊。每年9月中AFL嘅總決賽都定喺墨爾本板球場開波。
每年11月有春天賽馬節，墨爾本盃係全球四大賽馬賽事之一，亦係全國矚目嘅重要賽事。
交通
公路
墨爾本有一個由幾個交叉高速公路組成嘅大型高速公路網絡，市區嘅16條高速公路喺南北東西縱橫交錯。
收費路段
市區專線（City Link）同埋機場專線。
東部專線（Eastern Link）。
高速公路
- 莫納什高速公路，全長159公里。
圖拉馬瑞尼高速公路，全長13公里。- 東部高速公路，全長62公里。
半島鏈接，全長25公里。
墨爾本環線（西部環線）：為一條環繞墨爾本都市西部嘅高速公路，全長38公里。
西部高速公路：係一條可以連接墨爾本西南區同埋西北區嘅主要高速路，亦可接駁到阿德萊德。
軌道交通
墨爾本有全澳最大嘅軌道交通系統，城市輕軌系統全長有372公里（唔包含有軌電車系統）[19]，有200個車站[20]。
通勤鐵路
墨爾本嘅通勤鐵路包括16條電氣化線路嘅4個線組（Group）同埋位於市中心嘅城市環線（City Loop）組成，全長830km，2016年有2.354億人次嘅乘客。
有軌電車系統
墨爾本為全球最大嘅有軌電車系統，[21][22]1880年代開始服務，亦係全球最舊嘅輕軌運輸系統之一。有28條線路同埋1,773個車站。[22][22][23]
機場
大墨爾本地區共擁有七座機場，其中四座係民用客運機場。
- 墨爾本國際機場（Melbourne International Airport，IATA代碼：MEL；ICAO代碼：YMML）：位於市區西北23公里（14英里）嘅泰勒馬林（Tullamarine）區，因此又叫泰勒馬林機場，係墨爾本最大嘅綜合國際機場，貨運吞吐量為澳洲最大，客運量第二大僅次喺悉尼國際機場。
- 愛華隆機場（Avalon Airport，IATA代碼：AVV；ICAO代碼：YMAV）：位於市區西南50公里（31英里）、吉朗市東北15公里（9.3英里）嘅愛華隆鎮，係維多利亞州嘅第二個國際機場。
- 埃森登機場（Essendon Airport，IATA代碼：MEB；ICAO代碼：YMEN）：位於市區西北13公里（8.1英里）嘅埃森登區，係澳洲第二座國際機場。
- 穆拉賓機場（Moorabbin Airport，IATA代碼：MBW；ICAO代碼：YMMB）：位於市中心東南21公里（13英里）嘅曼通（Mentone）區東部，除咗少量支線客運服務以外，係墨爾本主要嘅通用航空機場，升降次數為澳洲全國第二，僅次喺悉尼機場。
港口
墨爾本港嘅港區面積143,000平方米，有超過30個嘅泊位、同埋16個平臺。每年吞吐190萬個貨櫃。[24] 墨爾本港以港口吞吐數字同埋面積計都係澳洲嘅至大港口。
城市景觀
墨爾本市中心嘅外圍有環繞市區嘅免費旅遊觀光電車，沿途經過著名觀光景點，包括：
- 南岸
- 國會大廈
- 維多利亞藝術中心
- 維多利亞市場
- 墨爾本皇家植物園（Royal Botanic Gardens）
- 墨爾本會議中心
- 皇家展覽館
- IMAX電影院
- 墨爾本舊監獄（Melbourne Old Gaol）
- 聯邦廣場
- 墨爾本動物園
睇埋
參考
出面網頁
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
