緬甸總理兼軍政府獨裁者和國防軍總司令 From Wikipedia, the free encyclopedia
敏昂萊(緬甸文:မင်းအောင်လှိုင်,1956年7月3號—[1]),係緬甸軍政府獨裁者,做緊緬甸總理兼國防軍總司令同埋國家管理委員會主席。2011年,畀當時嘅總統登盛任命為國防軍總司令。2021年2月1號,佢帶頭發動武裝軍事政變,推翻總統溫敏同國務資政昂山素姬奪權,重新建立軍政府統治,同年8月1號,自任為緬甸總理。
敏昂萊率領嘅緬甸國防軍喺羅興亞人危機、反政變示威同鎮壓緬甸少數民族等問題上被認為犯咗戰爭罪同危害人類罪。根據英國聲援緬甸組織嘅評述,佢係緬甸人權改善、民主改革、和平、現代化同埋改善緬甸健康、教育嘅主要障礙[2]。
敏昂萊1956年7月3號喺德林達依州嘅土瓦出世。佢喺1972年讀拉達高中通過咗預科班[3][4]。佢喺1972年至1973年喺仰光藝術科學大學讀法律,然後喺1974年入讀國防服務學院第19期[5]。喺1977年12月被任命為緬甸軍隊嘅少尉。畢業之後,敏昂萊繼續擔任孟邦嘅指揮職位,喺2002年晉升為金三角區域司令部指揮官,又同兩個反政府組織佤邦聯合軍同撣邦東部民族民主同盟軍談判。
2009年,佢喺對果敢地區嘅反政府軍緬甸民族民主同盟軍發動攻勢後嶄露頭角。[6]
2010年6月,敏昂萊取代瑞曼出任陸海空三軍參謀長。2011年3月30號,佢成為新嘅緬甸武裝部隊總司令,接替前軍政府領袖丹瑞。[7]
2011年11月,根據網上新聞雜誌《伊洛瓦底》報導,外界普遍認為敏昂萊喺當月同中國軍方官員舉行會談,同埋佢同中國達成雙邊防務合作協議之後又舉行咗會談,同當時嘅中共中央政治局常委兼中國國家副主席習近平就中國喺克欽邦衝突方面嘅合作問題進行咗討論。[6][8]
2012年3月27號,喺首都奈比都嘅一次演講上,佢為軍隊喺國家政治入面嘅持續作用辯護。
2012年4月3號,緬甸政府宣布任命敏昂萊為緬甸副總理,喺緬甸武裝部隊入面排名第二。佢喺2013年3月晉升為大將。
2020年1月18號,中國領導人習近平訪問緬甸嗰陣同敏昂萊會面,兩個人同意加強緬甸軍方同中國軍方往來,維護好共同正當權益,共同推動中緬命運共同體建設[9]。
2021年2月1號,緬甸軍方喺佢領導下發動軍事政變,奪取以昂山素姬同溫敏為首嘅原政府政權,隨後成立緬甸國家管理委員會作為軍政府領導機構,由佢做軍政府領袖。同年8月,軍政府任命敏昂萊為總理,又宣佈緊急狀態延長到2023年8月。
2021年7月,非政府組織「無國界記者」將敏昂萊列入「新聞自由掠奪者」名單,名單入面重有習近平、普京、金正恩、林鄭月娥等打壓新聞自由嘅政治人物[10]。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.