![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/94/HK_MTR_Fortress_Hill_Station_Escalator.jpg/640px-HK_MTR_Fortress_Hill_Station_Escalator.jpg&w=640&q=50)
電梯
From Wikipedia, the free encyclopedia
電梯係電動嘅運輸工具。個樣十足樓梯,不過啲級會郁,有兩個一齊郁嘅扶手,所以又叫扶手電梯。電梯係用嚟運人上落樓。台灣人就鍾意叫佢扶梯。電梯即使停咗(例如停電時),都可以當普通樓梯咁用,畀人行上行落,又唔會困𨋢,又唔使等𨋢,行埋去就即刻用得,呢啲係佢相對於𨋢嘅優點。
- 關於打直上落嘅運輸機器,去𨋢。
![](http://upload.wikimedia.org/wikipedia/commons/thumb/9/94/HK_MTR_Fortress_Hill_Station_Escalator.jpg/640px-HK_MTR_Fortress_Hill_Station_Escalator.jpg)
![](http://upload.wikimedia.org/wikipedia/commons/thumb/0/06/202302_Escalators_of_Nam_Cheong_Station.jpg/640px-202302_Escalators_of_Nam_Cheong_Station.jpg)
其實樓梯唔一定要一級級。如果唔係太斜,有時都會整到一個斜面咁,極端就直情打橫咁行。呢隻好似運輸帶咁嘅電梯,英文畀個名佢做travelator。
電梯成本唔平,包括買返嚟、裝好、成日用電開着、定期檢查、壞咗又要整。不過業主為咗吸引人流,方便遊人,有時電梯係必須品,好似好多人去嘅車站同埋商場。
![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)