彩園邨

彩園邨（Choi Yuen Estate）係香港上水嘅公屋，嚮上水站西南面。附近有上水廣場、新都廣場、龍豐花園、威尼斯花園、石湖墟、上水官立中學咁。彩蒲苑係彩園邨隔籬嘅居屋，喺1984年完成，總共有四棟樓。

彩園邨（左）同埋彩蒲苑（右）

歷史

彩園邨喺1970年代初，重係一大片菜園。1978年，為配合政府開發上水/粉嶺新市鎮，香港房屋委員會喺上水菜園村（現址係上水廣場）附近動工起咗彩園邨，係上水/粉嶺新市鎮首個公共屋邨。1982年，彩園邨落成入伙，但由於當時重未起市鎮中心，屋邨居民嘅日常消費都喺上水站另一邊嘅石湖墟進行。

屋邨資料

彩園邨

樓宇名稱	樓宇類型	落成年份
彩玉樓	舊長型	1982年
彩屏樓
彩珠樓
彩麗樓
彩湖樓	三座相連工字型
彩華樓		1983年

彩蒲苑

樓宇名稱	樓宇類型	落成年份
彩瑩閣	風車型	1984年
彩晶閣
彩碧閣
彩顏閣

彩園邨虐貓事件

彩園邨近年多次出現虐貓事件，被部分香港市民稱為虐貓村^[1]。

多年來出現嘅部分嚴重虐貓事件：2007年10月31日，初生小貓「藍藍」喺該村被斬雙腳。

隨後另一隻貓「希希」亦被人暴力虐打至盆骨碎裂，半年後不治。

2010年3月2號成貓「Faith」喺村內被斬咗前肢。

2010年5月11號捲耳流浪貓「捲捲」被虐打至盆骨、脊骨、肋骨等多處移位碎裂，極可能造成失禁，半身不遂。

意外及事故

• 2012年1月30號：上晝7點半彩華樓發生懷疑精神病患者襲擊保安員致死事件，涉及一名當值緊嘅保安員死亡。事發時份係嗰名受害保安最後一次返工嘅最後半個鐘工作時間。行兇者懷疑受幻覺影響而犯案^[2]。

參考

1. 明報報道：名種流浪貓遭虐打＿盆骨碎恐半身不遂（2010-5-24）
2. 〈彩園邨兇殺案 消息指疑犯有精神病〉。香港電台。2012-01-30。原著喺2016-03-04歸檔。喺2012-02-02搵到。