廣州電視台新聞頻道

 廣州電視台新聞頻道（粵拼：gwong2 zau1 din6 si6 toi4 san1 man4 pan4 dou6） ，簡稱廣州新聞頻道同埋直播廣州頻道zik6 bo3 gwong2 zau1 pan4 dou6，係廣州電視台屬下嘅免費新聞頻道^[1]，主要播新聞節目同評論、部分時段播娛樂等節目，語言多數以粵語為主，亦有少數係普通話節目。呢個頻道喺廣州地區，雖然有冇裝機頂盒都可以睇到呢個台，但至少要插有線電視天線先可以收到嘅電視頻道之一^{[註 1]}。

廣州新聞頻道
邊位屬下	廣州電視台
開播	1992年10月1號
廣播語言	粵語、少量普通話
呼號	GZTV-2
口號	新聞頻道　新聞日日睇（2002～2004） 做廣州人嘅新聞頻道（2005） 做廣州人嘅新聞頻道　廣州新聞（2006～2010） 直播廣州　做廣州最好嘅新聞資訊平臺（2010～而家）
總部位置	中國廣東廣州 海珠區嘅廣州國際媒體港入面
前稱	廣州電視19頻道（1992～2001） 廣州電視台新聞頻道（2001～而家）
官方網站	頻道官網
收睇方法 模擬信號 有線電視 隨地區而變（凈限廣州地區） 數碼信號 廣東有線 9 廣州有線 4 U互動 隨地區而變 佛山有線 114 天威視訊 24 從化有線 4

頻道主要喺08:30～09:30重播尋日嘅第一現場節目；之後從每日10:00～23:00期間（除咗19:00～20:00時段之外），每個鐘正點會播一次突發新聞報道；每日19:00～20:30播新聞日日睇，21:30～22:00首播當日嘅第一現場節目。凡出現重大新聞或事件直播或台慶時，頻道亦會全程直播新聞或當日嘅重大事件播報。

頻道嘅撈稿方面，左上角嘅台標24個鐘都有，而右上角嘅「直播廣州」圖標喺有節目時先會出現，重播節目時會喺圖標下邊有好細嘅「重播」白底黑字撈稿。

頻道喺每禮拜二02:20～05:18冇節目。

史

頻道喺1992年10月1號開播，初期係廣州有線電視屬下嘅19頻道，2001年取消有線電視時改嗌廣州新聞頻道。初期節目以城市話題為主，2005年改版時改成新聞日日睇為主；2010年11月28號00:00（廣州亞運會閉幕後無耐嘅深夜）正式以「直播廣州」嘅名義嚟搞節目，節目亦改為第一現場為主。

2017年9月18號，由於廣州國際媒體港嘅演播室正式起好兼投入使用，新聞媒體亦逐步搬入媒體港搞4K畫質播出。

2018年1月31號，頻道正式發佈短片公告話佢喺2018年2月10號正式開播佢嘅4K高清版本^[2]。

2018年2月8號晚黑，嗰日嘅《G4出動》同《城市話題》、《粵夜粵娛樂》節目播完之後，啲主持話因為台址搬到媒體港以高清播出而成為花果山演播廳播出嘅最後一期4:3節目。第二日23:45重播完《城市話題》之後彈出台址搬屋嘅短片消息，正式宣告結束大部份部門喺花果山演播廳播出嘅生涯。

2018年2月10號00:08，喺廣州國際媒體港嘅新址正式啟用，佢嘅高清頻道亦喺甜果時光正式開播。喺00:08:10，台標正式撤走。00:20:37，標清版正式改成16:9格式，同日06:00開播嗰時已經提到頻道嘅高清版已經開播嘅事。朝頭早開播之後，頭個16:9節目係重播嘅《新聞日日睇》。

2018年9月11號凌晨，標清版嘅台標正式改成16:9版兼放出4:3安全區。

註同攷

註

1. 喺廣州地區，有報裝機頂盒嘅話，可以至少睇到中國大陸境內成百幾個頻道及俾廣電批准可以喺廣東落戶嘅9個境外頻道。唔裝機頂盒但裝咗有線電視嘅，凈係睇到除呢個頻道之外，重有廣州綜合、廣東經濟科教（限廣東有線）、廣東南方衛視、及CCTV-1、CCTV-2（限廣州有線）、廣東衛視（信號唔穩定）、珠江頻道（限廣東有線）、競賽頻道（限廣州有線）呢8個頻道當中是旦6個；唔裝數字或有線電視，甚至唔裝其它衛星或網絡電視、魚骨天線等其它電視接收設備嘅，冇呢個台睇。

攷

1. 〈地级以上播出机构及频道频率名录（截至2023年12月31日）〉。《中华人民共和国国家广电总局》。2014-01-16。原先內容歸檔喺2024-02-05。喺2024-02-27搵到。
2. YouTube上面嘅广州电视高清启播特备节目《新时代新视界》宣传片在广视新闻中播出

出面網頁

• 廣州電視台新聞頻道嘅官方網站