平板支撐
From Wikipedia, the free encyclopedia
平板支撐(英文:plank)又叫撐高、撐舉、棒式或撐平板,係一種等長(英文:isometric exercise)核心(英文:core (anatomy))強度運動,會令身體維持喺一個用力嘅姿勢,同埋要維持相當一段時間。常見嘅平板支撐係前支撐,維持掌上壓嘅姿勢,身體重量由前臂、手肘同腳趾支撐。
平板支撐都有一啲變體,例如係側支撐或者係背支撐[1][2]。喺普拉提同瑜伽入面成日都會練平板支撐(瑜伽度會叫做棒式),拳擊或者其他運動嘅練習都會用到[3][4][5][6]。
根據健力士世界紀錄,平板支撑嘅最耐紀錄係由美國退休老兵佐治·胡特(George Hood)喺2020年達成,長達8小時15分15秒。事實上早喺兩年前,胡特就已喺一場由推動世界紀錄(ASSIST World Records)搞嘅活動到破咗10個鐘10分鐘10秒嘅平板支撐紀錄,但當時並冇健力士世界紀錄嘅認證官在場,所以呢筆紀錄並冇被健力士世界紀錄收錄[7]。