將愛延續
From Wikipedia, the free encyclopedia
《將愛延續》係星加坡男歌手陳泂江嘅愛國歌曲,由張安文作曲,陳泂江填詞,洛貝騰編曲,張安文同埋熊欣韻監製[1][2]。
呢首歌係陳泂江喺星加坡49歲生日嗰陣推出,錄製費用由陳泂江同海峽唱片一齊出,但拍MV嘅費用就由陳泂江賣單[2]。
MV入面搵咗雅慧做女主角,兩個人去到最後拎住紅色同白色嘅氣球,正好係星加坡國旗嘅兩種顏色,仲有We Love Singapore嘅字樣出現。另外陳泂江仲動用人情牌,搵咗李南星、陳麗貞、林湘萍、鄭各評、徐彬、方偉傑、黃俊雄等星加坡大牌明星,喺MV尾聲嗰陣為歌曲畀出愛心手勢[2]。
另外喺2018年星加坡新傳媒同香港ViuTV合作推出電視劇《已讀不回》嗰陣,亦攞咗呢首歌嚟做主題曲。而呢首歌嗰陣亦推出咗廣東話版本,由黃又南主唱,梁晞雯填詞,謝國維監製[3]。