太平天國

太平天國（粵拼：taai3 ping4 tin1 gwok3），自己寫做太平天囯，係清朝道光、咸豐、同治年間嘅一個起義政權，由洪秀全、楊秀清、蕭朝貴、馮雲山、韋昌輝、石達開等人借傳拜上帝教同清廷對抗，史稱太平天國之亂，結果起義失敗。

  想搵第二個意思嘅話，請睇太平天國 (搞清楚)。

太平天囯玉璽

洪秀全同埋少年時代嘅私塾同學馮雲山經過多年傳播拜上帝會，於道光三十年（1850年）末至咸豐元年（1851年）初同楊秀清、蕭朝貴、曾天養、石達開等人喺廣西省右江道潯州府桂平縣（今廣西壯族自治區貴港市桂平市金田鎮金田村）組織團營舉事，後建國號「太平天國」，史稱太平天國之亂，並於咸豐三年（1853年）攻下江蘇省江寧道江寧府城（今江蘇省南京市），號稱天京，定都於此。同治三年（1864年）天京被湘軍攻破，湘軍縱兵屠城、姦淫擄掠，洪秀全之子兼繼承人太平天國幼天王洪天貴福被俘虜，及後更因被清朝判以凌遲處死而成為人類歷史上凌遲極刑受刑人之中最年幼者。同治十一年四月六號（1872年5月12號），翼王石達開餘部李文彩喺貴州敗亡，係最後一支打著太平天國旗號作戰嘅太平軍部隊。

太平天國之亂係中國歷史上規模最大嘅戰爭之一，亦係傷亡最慘重嘅內戰之一。總計傷亡人數無定論，各種統計從1000萬至7000萬人失踪、移民、死亡或受傷。^[1]太平天國穩固行政版圖喺江蘇、浙江、江西、安徽為主嘅江南繁華地區，治下人口大致接近3000萬人口。太平軍嘅足跡先後到過廣西、湖南、湖北、江西、安徽、江蘇、河南、山西、直隸、山東、福建、浙江、貴州、四川、雲南、陝西、甘肅諸省，攻克過600餘座城市，勢力範圍遍及十八省^[2]。

因清朝推行薙發令，太平天國蓄發、披髮，故太平軍被稱作「長毛」，清廷稱之為「長毛賊」、「毛賊」、「發賊」、「發匪」、「發逆」等。又因洪秀全籍貫為廣東省花縣（今廣東省廣州市花都區新華街道官祿布村），其它嘅太平軍將士亦多起自兩粵（即兩廣嘅廣東、廣西），故清廷亦稱之為「粵匪」、「粵賊」，平定事件後，慈禧太后命令宮廷畫師繪畫《平定粵匪圖》。 民國十八年（1929年），南京國民政府就《禁止誣衊太平天國案》，函請內政部、教育部參考酌辦，冇耐正式訂立規定，「嗣後如有記述太平史實者，禁止沿用『粵賊』諸稱，而代以太平軍或相應之名稱」，從此將「太平天國」、「太平軍」等稱謂寫入正史。^[3][4]

國號

太平天國辛酉11年正月二十六日至二月十七日之間（清咸豐十一年，公元1861年3月7號－３月27號），洪秀全曾實行「改政」。正月廿六號（1861年3月7號）將「太平天國」國號改為「上帝天國」，規定喺璽印文字同各種文書內統要將「太平天國」改為「上帝天國」，但此事仲未來得及推廣實行，洪秀全改變主意。二月十七號（1861年3月27號）再度實行「改政」，將「上帝天國」改稱「天父天兄天王太平天國」，規定文書、印文都要喺原來嘅「太平天國」四字之上加「天父天兄天王」六字^[5][6]。

相關作品

電視劇

• 《太平天國》，1988年喺香港無線電視首播，共45集。
• 《洪秀全》，1990年代廣東電視台曾拍攝電視劇，共19集。
• 《太平天國》，2000年喺中國中央電視台首播，共46集。
• 《巾幗梟雄》，2009年喺香港無線電視首播，共25集。

紀錄片

• 《太平天國》，共十集，香港鳳凰衛視
• 《太平天國》，中國通史第九十七集，中國中央電視台電影頻道

電影

• 《太平天國女英雄》，香港電影，1961年
• 《投名狀》，香港電影，2007年首映。

小説

• 《洪秀全演義》（清）黃世仲，五十四回。

卡通

• 《太平天國演義》（日本）甲斐谷忍

電子遊戲

• 《太平天國之天下一統》，極真科技，2000年
• 《SGS 太平》，Strategy Game Studio，2023年

睇埋

• 捻軍
• 邪教、新興宗教
• 白蓮教、八卦教
• 天地會、三合會、大成國
• 小刀會、第二次鴉片戰爭
• 林文察
• 大明順天國
• 第四次霍亂大流行

註釋

參攷

1. Carrie Gracie. "Hong Xiuquan: The rebel who thought he was Jesus's brother" (英文). BBC News. 原著喺2020-04-18歸檔.
2. 《曾文正公全集》奏稿二十１８６４年７月２６號《金陵克復全股悍賊盡數殲滅折》
3. 謝選駿 (２０１７年)。《中國神漢建國史略》。Lulu.com。頁 202。ISBN 978-1-387-22383-1。 {{cite book}}: Check date values in: |year= (help)
4. 〈５月８號 太平天國開始北伐 太平天國嘅崛起與陷落--陝西頻道--人民網〉。sn.people.com.cn。原著喺2020-03-31歸檔。喺2020-03-17搵到。
5. 作者：王慶成，文章來源：中華文史網 (２００７年１１月６號)。〈關於「天父天兄天王太平天國」〉 (簡體中文)。近代中國研究>專題研究>晚清政治史>正文內容。原先內容歸檔喺２０１４年１月６號。喺２００７年１１月６號搵到。 {{cite web}}: Check date values in: |accessdate=, |date=、|archive-date= (help)
6. 崔之清、胡臣友 (２０１７年２月２４號)。《洪秀全評傳》。右灰文化傳播有限公司。原先內容歸檔喺２０１８年２月２０號。喺２０１８年２月２０號搵到。 {{cite book}}: Check date values in: |access-date=, |date=、|archive-date= (help)

重大事件	清皇室重要人物	重要人物	重要組織
鴉片戰爭（1840年─1842年） 英法聯軍（1856年─1860年） 辛酉政變（1861年） 太平天國（1856年─1860年） 洋務運動（1860年代─1890年代） 俄國掠奪中國土地（1858年─1881年） 中法戰爭（1883年─1885年） 甲午戰爭（1894年─1895年） 戊戌變法（1898年） 義和團（1899年─1900年） 八國聯軍（1900年） 清末新政（1901年─1911年） 日俄戰爭（1904年─1905年） 黃花崗起義（1911年） 保路運動（1911年） 辛亥革命（1911年） 條約 南京條約（1842年） 天津條約（1858年） 璦琿條約（1858年） 北京條約（1860年） 中法新約（1885年） 馬關條約（1895年） 辛丑條約（1901年）	皇帝 道光（在位：1820年─1850年） 咸豐（在位：1850年─1861年） 同治（在位：1861年─1874年） 光緒（在位：1874年─1908年） 宣統（在位：1908年─1911年） 皇室 慈安太后 慈禧太后 奕訢 奕劻 溥儁 載漪 載勳 珍妃 載灃 隆裕太后	林則徐 馮桂芬 僧格林沁 曾國藩 曾紀澤 李鴻章 左宗棠 翁同龢 張之洞 袁世凱 維新派 康有爲 梁啟超 徐致靖 張蔭桓 嚴復 戊戌六君子 譚嗣同 太平天國 洪秀全 楊秀清 蕭朝貴 馮雲山 韋昌輝 石達開 陳玉成 李秀成 革命黨 孫中山 黃興 秋瑾	軍事 綠營 湘軍 淮軍 北洋水師 新軍 捻軍 黑旗軍 政府 總理衙門 同文館 江南製造局 其他 強學會 同盟會 興中會 光復會 文學社 共進會

晚清史（1840年—1911年） 改