天成路（粵拼：tin1 sing4 lou6）係中國廣東省廣州市越秀區嘅一條一般嘅馬路，成條馬路係南北走向。南邊從一德路開始，一直向北去到大德路同埋詩書路嘅交界嗰頭。
簡況
全長398米，闊9米，雙向2車道。成條路係單行綫，其中大新路嘅北邊凈係可以從南邊向北邊行，而大新路嘅南邊凈係可以從北邊向南邊行。
經過嘅道路
呢度啲路嘅順序係從南去到北嚟排嘅，其中加粗咗嘅字係主幹道：
史
南宋之前
其實呢尐以前唔係條馬路嚟嘅，喺南宋嗰陣，呢尐係一笪汪洋大海嚟嘅。喺嗰陣時，西澳重係宋朝嘅外貿碼頭，係宋景德年（1004年——1007年）入面，有位叫高紳嘅經略使就響碼頭嘅附近（依家嘅南濠街同埋海珠中路嗰尐）起咗條果橋，而呢尐就係六脈渠嘅總出口喇。喺橋嘅上面重有間共樂樓（又可以嗌「粵樓」或者係「遠華樓」），呢間樓就有五丈噉高，上到樓頂向下面睇就望到個大海同埋個羊城係幾靚嘅。不過共樂樓喺元朝嗰陣就冧咗喇，喺詩書路嗰尐就有條嗌「尚果里」呢隻名嘅巷仔通去海珠中路嗰尐，入面重有條好古老嘅巷響度，由於有棟「上古橋」響度。
天平街嘅出現同埋周邊嘅發展
後嚟到咗南宋嗰陣，喺天成路嗰尐就已經出現咗陸地喇，後嚟經過元朝同埋明朝呢兩個朝代嘅開發，就變成咗一條好集中嘅街市，喺嗰陣時呢尐係條天平街。有唔少喺順德、南海同埋番禺嘅人成日嚟到呢尐開整紙檔嘅，雖然話最初凈係得兩家噉少，但係後嚟發展得鬼咁多間，甚至蔓延到詩書街同埋紙行街嗰尐，出咗好多間又大又細嘅土紙行同埋色紙行。而紙行路入面有條嗌「小紙巷」嘅名就係噉嚟。
開咗條路之後
到咗1932年，廣州市政府就整闊咗條天平街起咗條天成路。到咗1938年10月份嘅抗日戰爭嗰陣，由於日本仔殺到廣州，搞到天成路入面啲人嚇到雞飛狗走，一窩蜂咁走嗮。而嗰陣時廣州重喺度打緊仗，搞到天成路嘅紙張生意就一落千丈噉滯。而嗰陣時嘅紙張生意都係全靠詩書路嗰邊嚟紙盒坊幫手先至勉強繼續到整紙張嘅生意。
文革嗰陣
天成路係啀咗「紅書南路」呢個名[1]，到咗1982年，呢條路就重新改返原嚟之前嘅名，啫係依家嗌「天成路」。
紙行生意，鹹魚翻生
到咗20世紀90年代之後，天成路嘅紙張、油墨、印刷市場開始死灰復燃，雖然話開始鬼咁冷清，但係過咗冇耐就做到越嚟越有咁滯。而家天成路入面已經超過咗400間鋪頭係做緊印刷包裝嗰啲嘢，佢重係中國同埋國際油墨印刷器材嘅專業街添。
特色
呢條馬路喺中國嘅現代印刷包裝產業出現之前就好火爆嗰隻喇，佢重係廣州市最出名嘅印刷同埋包裝嘅一條街，已經有超過300幾年嘅歷史。由於附近冇幾遠就係狀元坊，喺節假日嗰陣交通都幾繁忙下，加上人流都好多。
歇後語
以前廣州人成日好流行嘅其中一句歇後語就係：天成路——靠指。而呢度嘅「指」同埋「紙」係個通假字嚟嘅。意思就係「形容嗰啲人凈係識得話人哋唔識做嘢重喺度猛咁指天篤地咁，而自己就唔識做嘢嗰隻。」
註
連出去
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
