坦尾站
From Wikipedia, the free encyclopedia
From Wikipedia, the free encyclopedia
坦尾站(粵拼:taan2 mei5 zaam6;英文:Tanwei Station)係廣州地鐵5號綫同6號綫嘅其一轉車車站(重有一個喺區莊嗰邊),規劃時期嗌過大坦沙站(daai6 taan2 saa1 zaam6)同大坦沙南站(daai6 taan2 saa1 naam4 zaam6),位置喺荔灣區大坦沙嘅雙橋公園隔籬。不過兩個月台嘅開放時間同位置都唔同,其中5號綫喺2009年12月28號開放,月台喺橋頂;而6號綫喺2013年12月28號開放,月台喺地底。
呢個站曾經喺2013年12月28號到2019年12月27號間,喺往返轉6號綫方面屬轉車速度最快嘅一個站[1]。不過隨住文化公園同蘇元兩站成為轉車站之後正式被取代咗。
呢個站一共有地上3層樓同地下1層樓嘅區域,其中地上1樓同2樓、地下係站廳,有票務設施同客務中心;地上3樓係地下2樓係5號綫嘅月台;地下1樓係6號綫嘅月台。雖然廁所喺5號綫同6號綫嘅站廳同月台都搵唔到,但要喺站外F出入口冇幾遠嘅車站設備房東邊先至搵到。休息室喺5號綫嘅高架柱墩入面。
地上 三樓 |
2月台 | ←5號綫列車去滘口站(行滘口嗰邊) |
1月台 | 5號綫列車去中山八站(行文沖嗰邊)→ | |
地上 二樓 |
夾層 | 站廳、售票機、客服中心、過街天橋、安檢設施 |
地面 | 地面站廳 | 站廳、售票機、客服中心、安檢設施 |
設備區 | 公共廁所 | |
地下 一樓 |
東站廳 | D出入口、站廳、售票機、客服中心、安檢設施 |
4月台 | ← 6號綫列車去河沙站(行潯峰崗嗰邊) | |
3月台 | 6號綫列車去如意坊站(行香雪嗰邊)→ | |
西站廳 | B出入口、站廳、售票機、客服中心 |
呢個站有4個站廳,分別喺:
為咗方便啲人出入站,喺地面嘅站廳中心、地上2樓嘅站廳就企正喺5號綫嘅月台下面,除咗6號綫嘅各個站台北邊之外,其他都係收費區,四周圍俾人行通道、車站商舖圍住嗮,而呢個站重整咗好多部𨋢、扶手電梯同埋樓梯畀乘客去到站廳同邊條路線嘅月台都得。
呢個站有3個月台,其中5號綫一個、6號綫兩個。其中5號綫喺雙橋中路嘅北邊上空,而6號綫喺橋中南路嘅地底,兩個站嘅月台就整成咗個似數學符號「⊥」噉。
但由於5號綫嘅月台頂棚設計得唔係幾好,喺落雨天氣嗰陣冇乜點嚟避雨都有,尤其係橫風橫雨天氣,成個月台都俾雨水整濕嗮。佢爲咗費事影響司機駕駛,落雨天時係唔畀乘客喺月台度撐把遮嚟避雨。不過喺5號綫月台嘅東邊頂棚有「愛心驛站」嘅箱型密封等車區響度,呢度可以用嚟幫乘客擋風擋雨嘅。而等車區入面重有空調添,唔理佢喺夏天熱辣辣天時定係冬天凍冰冰天時嗰時,都可以畀乘客搞到舒適嘅等車環境。
而家嘅坦尾站入面有唔同類嘅鋪頭畀乘客買嘢同埋食嘢,例如有便利檔同麵包檔響度。
另外,坦尾站入面重有好多自助服務設施畀乘客用,包括咗民生銀行同招商銀行嘅自動櫃員機同自動販賣機響度;重有充羊城通,交水電費同交通嘅罰錢呢尐服務;查地鐵嘅路線、頭尾班車同埋地鐵嘅安全指引,重可以畀乘客登記變成廣州地鐵薈嘅會員嚟查獎分、換獎品都得。
|
|
坦尾站冚唪唥嘅出入口 | ||||||||||||
---|---|---|---|---|---|---|---|---|---|---|---|---|
呢個站一共有7個出入口,分別係A、B、C、D、E、F,G。不過G同D兩出入口啱好喺隔籬,從樓層架構嚟睇,從地下1樓上到地上2樓,要行5層樓嘅樓梯。
冧巴 | 標記 | 方位 | 去到邊度 |
---|---|---|---|
6號綫西站廳(去長湴嗰邊) | |||
出入口B | 雙橋路 (西行) | 西北偏西 | 橋中巴士站(西行) |
6號綫東站廳(去潯峰崗嗰邊) | |||
出入口D | 橋中中路 (北行) | 東北偏北 | 地鐵坦尾站巴士站、橋中巴士站 |
5號綫站廳(地上2樓) | |||
出入口C | 雙橋路 (西行) | 西南 | 雙橋中路、橋中巴士站 |
出入口F | 雙橋路 | 東北偏東 | 雙橋中路、地鐵坦尾站公交車站、廁所 |
出入口G | 橋中中路 | 東北偏北 | 雙橋路、橋中巴士站、地鐵坦尾站巴士站 |
5號綫站廳(地面) | |||
出入口I | 橋中南路 (南行) | 南 | 雙橋中路、雙橋公園、旭平首飾公司、大坦沙污水處理廠巴士站、橋中巴士站、河沙路巴士站 |
出入口J | 西南偏西 | 雙橋路、雙橋實驗學校 | |
註: 有盲人引導徑 | 有輪椅升降台 |
喺1997年嘅城市快速軌道交通線網規劃嘅A方案入面講咗,嗰時嘅3號線喺大坦沙入面整咗個站出嚟。但嗰時係同而家河沙站嘅位差唔多到。但係到咗2003年先至話咗係而家嘅5號綫同6號綫會停呢個站,嗰時就改名嗌「大坦沙南站」,就同而家嘅位有啲向咗北移咗啲噉,變成5號綫同6號綫嘅一個平行轉車車站。嗰年重改咗下規劃嘅方案,就係變成十字架轉車車站,而車站重改咗名嗌「大坦沙站」,重移到而家嘅位。
兩條地鐵路線嘅工程都喺2006年入面開始逳手,而呢個站就搞咗統一設計嚟起。之後呢個站重改咗名嗌「坦尾站」。
呢個站係成個大坦沙入面,最早開嘅地鐵站,喺2013年12月28號之前,佢嘅主要服務對象一直係大坦沙嘅部分城中村同住宅區,但實際凈係得住喺大坦沙嘅中間同南邊嘅居民行15分鐘以內嘅路嚟呢個站度坐車或落車,而凈低嗰啲都要轉巴士往返坦尾站先至得。嗰時嘅5號綫係大坦沙島入面,除咗珠江大橋之外嘅快捷對外交通方式,所以客流量方面都幾多下。喺2013年12月28號嘅6號綫開通咗之後,住喺大坦沙島北邊嘅居民重可以去同佢近啲嘅河沙站度坐地鐵,所以呢個站嘅主要服務對象已經減到得返住喺大坦沙南邊啲居民。不過呢個站變咗個轉車嘅車站,所以喺客流方面,重反而上升咗。
另外,車站附近重有接駁巴士同電樽車可以往返大坦沙北邊啲城中村。
喺呢個站嘅轉車方面,雖然話佢係6號綫同其他路線嘅轉車速度方面,用得最短時間就轉到車嘅,但係一定要注意下係點轉嘅:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.