圖靈測試
From Wikipedia, the free encyclopedia
圖靈測試(粵拼:tou4 ling4 caak1 si3 | 英文:Turing test,TT)係由英國數學家亞倫圖靈喺 1950 年諗出嚟嘅一個測試,用嚟檢驗一部機械係咪展現到好似人噉嘅有智能行為。
最基本嗰種圖靈測試步驟如下:一次測試會有一個人類負責做評判,跟住又有一個人類同部受試嘅機械,兩者分別噉同個評判講嘢;個評判唔會見得到個人類同個受試者,淨係有得用鍵盤同熒幕等嘅方法同受試者傾偈,最後個評判就要答,兩個受試者當中邊個係人邊個係機械-而如果搵咗一班評判返嚟之後,發現班評判嘅判斷嘅準確性唔明顯好過隨機靠撞嘅話,嗰部受試機械就算得上係通過咗圖靈測試,展現出同人類冇分別嘅智能[1][2]。