From Wikipedia, the free encyclopedia
唐人曆法因為要就埋月,又有閏月,一年長短唔定,所以同天文講嘅年,地球圍住太陽行咗啱啱一個圈唔同。不過,其實唐人都有呢種定義嘅年,就係做冬,即係冬節或冬至。
《尚書》曰:「正元日,舜格于文祖。」又曰:「正月朔旦,受命于神,宗率百官,若帝之初。」《玉燭寶典》曰:「正月為端月。」正月首日稱元日,元,善之長也。元日亦曰上日、正朝、三元。南朝《荊土歲時記》曰:庭前爆竹,以辟山臊惡鬼也。山臊,後人或謂之年獸。古有正月飲屠蘇之俗。
通常十二月尾到正月初,呢段日子都會用年開頭,例如十二月廿八,就叫年廿八;十二月三十,就叫年三十;正月初一,就叫年初一;如此類推。
唔同日子就另有叫法,年初一之前嗰晚,即係年三十晚或年廿九晚,就叫除夕,或者大除夕;年十五,即係新年最尾嗰日,叫元宵,或者元宵節。
新年習俗主題係去舊迎新。會趁年初一之前,將啲唔好嘅嘢掉咗佢,買過啲新。又或者將舊嘅嘢翻新。買新衫,剪頭髮,年廿八,洗邋遢,都係其中一部份。
廣東人會食團年飯,成家無論響邊都好,都會返屋企聚埋成家一齊食餐飯,代表一家團圓。到新正頭(年初一或者年初二),成家人又會食開年飯。
初一人拜神,初二人拜人,初三窮鬼日,初四人乞米,初五初六正是年,初七尋春去,初八八不歸,初九九頭空,初十打春去,十一打仔回,十二搭燈棚,十三人開燈,十四燈火明,十五祈完燈,采青走百病。
呢日嗌元日,呢日凌晨啲街坊就會起身祭祖拜神、劏雞,兼且焚香、燒爆竹,意係搶春。
到初二朝頭早,家中婦女就要主持開鑊,落生油,煎蘿蔔糕、煎魚,準備埋開年飯。呢日又俗稱姑爺節,係返親家嘅日子。廣州一啲郊區農村仲有放生習俗,係買生鯉魚,用紅紙冚埋魚眼,拜完神後放生條魚落河塘[2]。
呢日係赤口日,窮鬼日。呢日晨早起身屋企第一件事,就係掃窮鬼,掃走初一落來積落嘅垃圾,意味著掃走污糟同窮氣。
呢日大家通常唔會去拜年,因為初三赤口,又稱赤狗日。據話赤狗係執掌口怒嘅神,撞到易起口角,所以大家會晤出街費事惹屎上身。後生輩就唔會太在乎呢啲。
呢日係財神嘅生日,所以就有接財神,生日前一日各家就備齊啲酒席,同財神賀辰。儀式一般喺下晝到晚黑搞,準備供品有三牲、生果、茶、糖果等。如果舊年唔如意嘅就一碗清水、三支香祭灶王,舊年發達嘅就用雞鴨魚肉祭拜。
初七係人日,廣東人俗稱眾人生日。晨早廣州人會設埋豐盛嘅家庭筵席慶人日,必備七樣菜(芹菜、芥菜、菠菜、青蔥、大蒜等)製成嘅七寶羹。街坊回憶七寶羹包括芹菜、蒜、蔥、油麥菜、芫茜、黃芽白、生菜,開食前屋企長輩會講啲祝辭,如闔家清清白白、新年回春、聰明勤勞、諸事合算等,據話食咗七樣菜,呢年就有得執金拾銀,財運登門[3]。據話民國以前,啲後生會群埋一齊游花地,揀埋最靚嘅女仔做人日皇后,由「皇后」來主持呢日啲活動。
俗語有話:初七七不去,初八八不歸。初七出門探親等人,初八就唔返屋企留喺親戚度住。
呢日係九皇誕,老廣州會拎啲雞鴨魚肉出來拜玉皇大帝。
廣州郊區農村,相鄰兩條村啲化骨龍呢兩日會打石仗(打春去),邊條村贏就代表新年會更好(啲大人收尾會趕啲細路返歸)。
呢日各家各戶都會點燈掛街邊,廣州啲村啲祠堂都會點埋燈。
廣州人呢日會去睇花燈。而廣州郊區農村度,舊年添咗男丁嘅呢日都會去祖祠度掛個燈籠,表示向祖宗報到[2]。呢日係元宵,要食湯圓。
粵語地區過年興食以下呢啲嘢。
至於臘八,食臘八粥,浸臘八蒜。至於小年,供麥芽糖。
至於除夕,同賀新春,共食團年飯。亦整餃子、年糕、春卷等。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.